Si-phian 第 61 章 - 巴克禮全羅

1

Tāi-pı̍t ê si, kau hō͘ Ga̍k-koaⁿ; ēng si-hiân ê ga̍k-khì.1) Siōng-tè ah, kiû Lí thiaⁿ góa ê kiû-kiò; Àⁿ-lo̍h thiaⁿ góa ê kî-tó.

2

Góa ê sim sit-chì ê sî, chiū beh tùi tōe-ke̍k kiû-kiò Lí; Kiû Lí chhōa góa kàu hit-ê pí góa khah-kôaiⁿ ê chio̍h-pôaⁿ.

3

In-ūi Lí bat chòe góa tô-siám ê só͘-chāi. Chòe góa kian-kò͘ ê tâi, lâi thoat-lī tùi-te̍k.

4

Góa beh éng-óan tòa tī Lí ê pò͘-pîⁿ; Góa beh bih tī Lí sı̍t-ē ún-ba̍t ê só͘-chāi. [Sè-la̍h

5

Siōng-tè ah, góa só͘ hē ê gōan, Lí ū thiaⁿ-kìⁿ; Lí ū chiong sán-gia̍p siúⁿ-sù kèng-ùi Lí ê miâ ê lâng.

6

Lí beh ke-thiⁿ ông ê hè-siū; I ê nî-hè beh kàu tāi-tāi.

7

I beh éng-óan chē-ūi tī Siōng-tè ê bīn-chêng; Gōan Lí pī-pān chû-ài kap sêng-sı̍t lâi pó-hō͘ i.

8

Án-ni góa beh chhiùⁿ-koa o-ló Lí ê miâ, kàu éng-óan; Thang jı̍t-jı̍t siā góa ê gōan.