Si-phian 第 63 章 - 巴克禮全羅

1

Tāi-pı̍t tī Iû-tāi khòng-iá ê sî chòe chit siú si.1) Siōng-tè ah, Lí sī góa ê Siōng-tè; góa thàn-chá beh chhē Lí. Tī khòng-hān, khùn-khó͘, bô chúi ê tōe, Góa ê sim chhùi-ta siàu-liām Lí, góa ê jio̍k-thé chhiat-chhiat him-bō͘ Lí.

2

Góa bat án-ni tī sèng-só͘ tiâu-kìⁿ Lí, Ūi-tio̍h ài khòaⁿ Lí ê kôan-lêng kap Lí ê êng-kng.

3

In-ūi Lí ê chû-ài pí sìⁿ-miā khah-hó, Góa ê chhùi-tûn beh o-ló Lí.

4

Góa iáu-o̍ah ê sî, beh án-ni o-ló Lí; Góa beh hōng Lí ê miâ, kia̍h-khí góa ê chhiú.

5

Góa ê sim-sîn beh pá-chiok chhin-chhiūⁿ chia̍h kut-chhé iû-jī; Góa ia̍h beh ēng hoaⁿ-hí ê chhùi-tûn o-ló Lí;

6

Chiū-sī góa tó tī bîn-chhn̂g kì-liām Lí, Tī mî-kan ta̍k-kiⁿ siàu-liām Lí ê sî.

7

In-ūi Lí bat pang-chān góa, Góa tiàm tī Lí sı̍t-kó͘ ê tì-ìm-ē beh hoaⁿ-hí chhut-siaⁿ.

8

Góa ê sim tè Lí tiâu-tiâu; Lí ê chiàⁿ-chhiú hû-chhî góa.

9

To̍k-to̍k hiah ê siàu-siūⁿ beh bia̍t góa ê sìⁿ-miā ê lâng, I beh hām-lo̍h tī tōe-ē chhim ê só͘-chāi.

10

In beh hō͘ to-kiàm thâi; In beh hō͘ soaⁿ-káu chia̍h.

11

Chóng-sī ông beh in-ūi Siōng-tè lâi hoaⁿ-hí; Hōan-nā kí I lâi chiù-chōa--ê teh-beh khoa-kháu; In-ūi pe̍h-chha̍t lâng ê chhùi beh siū that-ba̍t.