Si-phian 第 93 章 - 巴克禮全羅

1

Iâ-hô-hoa chòe ông, I ēng ui-giâm ka-kī chhēng; Iâ-hô-hoa ēng khùi-la̍t ka-kī chhēng, ka-kī hâ; Sè-kài chiū kian-kò͘ bōe iô-tāng.

2

Lí ê pó-chō tùi kó͘-chá kiàn-lı̍p, Lí tùi éng-óan chiū ū.

3

Iâ-hô-hoa ah, tōa-chúi í-keng hoat-khí, Tōa-chúi í-keng hoat-khí i ê siaⁿ; Tōa-chúi hoat-khí i ê éng.

4

Iâ-hô-hoa tī kôaiⁿ-ūi ū tōa lêng-le̍k, Iâⁿ-kè chiah ê chúi ê siaⁿ, Í-kı̍p hái--nih ê tōa-éng.

5

Iâ-hô-hoa ah, Lí ê kan-chèng put-chí khak-sı̍t; Sèng-kiat ha̍p tī Lí ê chhù, kàu éng-óan.