歷代志上 第 17 章 - 台語漢字羅馬本

1
大衛踮佇伊的宮內,大衛對先知拿單講:「看啊,我踮佇柏香柴的宮內,總是耶和華的約櫃佇帳房內。」
2
拿單給大衛講:「見若佇你心內所想的通行伊,因為上帝及你佇。」
3
彼暝,上帝的話臨到拿單,講:
4
「你去給我的奴僕大衛講,耶和華按呢講:『你得通起厝互我踮。
5
因為對我導以色列上來的日到今仔日,我未曾徛起厝內,是對此個布棚到彼個布棚,對此個帳房到彼個帳房。
6
見若我及以色列人所到的所在,佇我所吩咐照顧我的百姓以色列的士師中,我豈曾對一人講:你啥事無給我起柏香柴的厝啊?』
7
今你著去給我的奴僕大衛講,萬軍的耶和華按呢講:『我曾佇羊 對你顧羊來召你,做我的百姓以色列的人君。
8
見若你所曾去的所在,我常常及你佇,佇你的面前剿滅你攏總的對敵;我欲互你大出名,親像地上諸個偉人的名聲。
9
閣我欲給我的百姓以色列定著一個所在,來栽培,互徛起家己的所在,無閣遷徙;兇惡的人也無親像起頭陷害,
10
亦無親像我命令士師治理我的百姓以色列的時一樣。我欲互你的對敵攏降服,閣我給你講,耶和華欲給你建立一個家。
11
到你的日子滿足倒去你的列祖遐,我欲互你的後裔續接你的位,我也欲堅固伊的國位。
12
伊欲給我起厝;我欲堅固伊的座位到永遠。
13
我欲做伊的父,伊欲做我的子;我無欲互我的慈愛離開伊,親像我前互伊離開彼個你以上的王。
14
我也欲永遠堅固伊佇我的家佇我的國;伊的座位也欲堅固到永遠。』」
15
拿單就照諸個話,諸個默示,去給大衛講。
16
大衛王就入去,坐佇耶和華的面前,講:「耶和華上帝啊,我是甚麼人,我是甚麼號的家,你才導我到此個地步啊?
17
上帝啊,你看此個,猶掠做小可,因為你閣論到你的奴僕的家到佇久長。耶和華上帝啊,你款待我親像尊貴的人的地位。
18
大衛猶有甚麼話通對你講?到你的奴僕所得著的尊貴?因為你知你的奴僕。
19
耶和華啊,因為你的奴僕的緣故,閣照你的心意,你有行此個大事,閣顯出諸個大事。
20
耶和華啊,照我的耳孔所聽見的,無一個親像你,你以外無別個上帝。
21
地上有叨落一國親像你的百姓以色列?就是上帝早日去救贖伊做家己的百姓,互你對極大閣通驚的事得著名,因為趕逐列國離開你的百姓,就是你所救贖出埃及者的面前。
22
因為你互你的百姓以色列做你的百姓,直到永遠;耶和華啊,你也做的上帝。
23
耶和華啊,今你所論到你的奴僕及伊的家的話,願伊堅固,到永遠,求你照你所講來行。
24
願你的名永遠堅固,受尊做大,講:『萬軍的耶和華是以色列的上帝,是做以色列的上帝。』你的奴僕大衛的家欲佇你的面前堅固。
25
我的上帝啊,因為你有啟示你的奴僕知,你欲給伊建立一個家,所以你的奴僕好膽佇你的面前祈禱。
26
耶和華啊,只有你是上帝,你用此個福氣應允你的奴僕。
27
今你歡喜賜福你的奴僕的家,互伊永遠佇你的面前。耶和華啊,因為你已經賜福,的確永遠得著福氣。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!