列王記上 第 18 章 - 台語漢字羅馬本

1

過多多日，佇第三年，耶和華的話臨到以利亞講：「你去互亞哈看見你；我欲落雨佇地上。」

2

以利亞就去，欲互亞哈看見。彼時，撒瑪利亞飢荒真大；

3

亞哈就叫伊的管家者俄巴底來。（俄巴底不只敬畏耶和華，

4

因為耶洗別滅耶和華諸個先知的時，俄巴底用先知一百人囥佇洞內，五十人做一組，用餅及水養飼。）

5

亞哈給俄巴底講：「遍行此個地，到一切的水泉邊及一切的溪邊；豈採咱會得著青草，通互馬騾活，免得精牲一盡失落。」

6

對按呢分地欲遍行，亞哈家己行一條路，俄巴底也家己行一條路。

7

俄巴底佇路裡，以利亞抵著伊，俄巴底認得伊，就仆落去，講：「你是我的主以利亞嗎？」

8

應講：「是。你去給你的主講，以利亞佇遮。」

9

俄巴底講：「我有犯甚麼罪，你竟然欲將你的奴僕交佇亞哈的手，來害死我嗎？

10

我指永活的耶和華──你的上帝來講，無一族無一國，我的主無差人到遐尋你。若講伊無佇遮，就教彼國彼族的人咒誓講，實在無抵著你。

11

今你講，去給你的主講，以利亞佇遮；

12

我一下離開你，耶和華的神欲帶你到我所呣知的所在。我去給亞哈講，也伊尋你著，就欲死我；總是你奴僕對少年是敬畏耶和華。

13

當耶洗別耶和華眾先知的時，我所做豈無人給我的主講嗎？就是我將耶和華的先知一百人囥佇洞裡，五十人做一組，用餅及水養伺。

14

今你講，去給你的主講，以利亞佇遮，伊的確會死我。」

15

以利亞講：「我指永活萬軍的耶和華，就是我徛佇伊的面前者，來講，今仔日我的確欲互亞哈看見我。」

16

俄巴底就去見亞哈，給伊講：亞哈就來見以利亞。

17

亞哈看見以利亞的時，亞哈就給伊講：「你此個陷害以色列者啊？」

18

以利亞應講：「陷害以色列的呣是我，是你及你的老父的家；因為恁棄拺耶和華的誡命，去隨許個巴力。

19

今你著差人，聚集以色列眾人及巴力的先知四百五十人，以及亞舍拉的先知四百人食佇耶洗別的桌者，攏去迦密山到我遐。」

20

亞哈就差人去以色列眾人遐，招集諸個先知到迦密山。

21

以利亞就近眾百姓講：「恁存二樣心無決斷欲到甚麼時啊？若耶和華是上帝，就著趁耶和華；若巴力是上帝就著趁巴力。」百姓無應一句話。

22

以利亞給百姓講：「耶和華的先知只有剩我一人；總是巴力的先知有四百五十人。

23

今著用二隻牛仔互阮，巴力的先知通為家己揀一隻牛仔，切歸塊，下佇柴頂，下面呣通橐火；我料理彼隻牛仔，下佇柴頂，下面也無橐火。

24

恁求叫恁的上帝的名，我求叫耶和華的名。彼個用火顯應的上帝，就是上帝。」眾百姓應講：「此個話真好。」

25

以利亞對巴力的先知講：「恁為家己揀一隻牛仔，代先料理伊，因為恁人額卡多，恁求叫恁上帝的名，獨獨呣通橐火佇下面。」

26

就將所互的牛仔去料理伊，對早起到日晝，求叫巴力的名講：「巴力啊，著聽阮！」總是無聲說，也無應答。佇所起的壇周圍趒跳。

27

到中晝，以利亞譏刺，講：「大聲求叫啦！因為伊是上帝，伊豈採靜靜想，抑是退去偏僻的所在，抑是行路，抑是睏，恁著叫伊醒。」

28

大聲求叫，照的例，用刀用槍家己割，致到的身軀流血。

29

對日過晝到獻下昏祭的時，講的先知話；總是無聲說，無應答也無插的。

30

以利亞給眾百姓講：「恁來近倚我。」眾百姓就近倚伊。伊就閣修理耶和華倒壞的壇。

31

以利亞取十二塊石，照雅各的子的支派的數額（此個雅各就是前耶和華的話曾臨到伊講：「以色列欲做你的名者」），

32

以利亞用諸個石頭，奉耶和華的名起一座壇，佇壇的周圍開溝，會貯得種子二細亞，

33

閣排列柴，將牛仔切歸塊下佇柴頂，講：「恁用四個桶貯水滿滿，傾佇燒祭及柴的頂面」；

34

閣講：「傾第二擺。」就傾第二擺；閣講：「傾第三擺。」就傾第三擺。

35

水流佇壇的四圍，溝也有水滿滿。

36

到獻下昏祭的時，先知以利亞近前來，講：「亞伯拉罕、以撒、以色列的上帝，耶和華啊，求你今仔日互人知你佇以色列做上帝，也知我是你的奴僕，閣是照你的話來行這一切的事。

37

耶和華啊，著聽我，著聽我！互此國的百姓知你──耶和華就是上帝，你互的心越倒轉。」

38

耶和華的火就降落，一盡燒伊的燒祭、及柴、及石、及土，閣燒乾溝內的水。

39

眾百姓看見，就仆佇地裡，講：「耶和華伊是上帝！耶和華伊是上帝！」

40

以利亞給講：「掠巴力的先知，無容允一個逃走！」就掠。以利亞帶落去到基順溪邊，佇遐。

41

以利亞給亞哈講：「你今通上去飲食，因為有大雨的聲。」

42

亞哈就上去飲食。以利亞上去迦密山頂，屈身佇地裡，面仆佇二個腳頭窩的中間；

43

對伊的奴僕講：「你上去，向海看。」奴僕就上去看，講：「攏無甚麼。」伊講：「你閣去。」著到七擺。

44

到第七擺伊講：「看見有雲對海裡起來，細細親像人的手。」以利亞講：「你上去給亞哈講，著備辦車落去，免得互雨阻擋。」

45

霎仔久的中間，遍天因為風及雲黑暗，落大雨。亞哈就坐車去耶斯列。

46

耶和華的手靠佇以利亞的身上，伊就縖腰，佇亞哈的頭前走到耶斯列的城門。