列王記上 第 4 章 - 台語漢字羅馬本

1
所羅門王做以色列眾人的王。
2
伊所有的人臣記佇下面:撒督的子亞撒利雅做祭司,
3
示沙二個子以利何烈、亞希亞做秘書,亞希律的子約沙法做史官,
4
耶何耶大的子比拿雅做軍長,撒督及亞比亞他做祭司,
5
拿單的子亞撒利雅做眾官長,拿單的子撒布得做祭司,也做王的朋友,
6
亞希煞做管家的,亞比大的子亞多尼蘭做督工的。
7
所羅門佇以色列全地設立十二個官員,為著王及伊的家備辦食物,每年逐人一月日備辦食物。
8
的名記佇下底:佇以法蓮山地有便戶珥;
9
佇瑪迦斯、沙賓、伯示麥、以倫伯哈南有便底甲;
10
佇亞魯泊有便希悉,伊也佇梭哥及希弗全地;
11
佇多珥的全山地有便亞比拿達,伊娶所羅門的查某子他法做某;
12
佇他納及米吉多,及倚近撒拉他拿、耶斯列下旁的伯善全地,對伯善到亞伯米何拉到約念的外面,有亞希律的子巴拿;
13
佇基列的拉末有便基別,伊也佇基列的瑪拿西子孫睚珥許個城,巴珊的亞珥歌伯地的大城六十座城,攏有城牆及銅的門楗;
14
佇瑪哈念有易多的子亞希拿達;
15
佇拿弗他利有亞希瑪斯,伊也娶所羅門一個查某子巴實抹做某;
16
佇亞設及亞祿有戶篩的子巴拿;
17
佇以薩迦有帕路亞的子約沙法;
18
佇便雅憫有以拉的子示每;
19
佇基列地,有烏利的子基別,伊也佇亞摩利王西宏及巴珊王噩的地,獨獨伊一人佇遐做官。
20
猶大及以色列眾人真多,親像海邊的沙許多,也食也飲也真快樂。
21
對大河到非利士地,直到埃及邊界許個國,所羅門攏管轄。所羅門活的日,攏進貢服事伊。
22
所羅門逐日所用來食的:幼的麵粉三十歌珥,粗的麵粉六十歌珥,
23
肥的牛十隻,草場的牛二十隻,羊一百隻,猶有鹿、羚羊、赤鹿,及肥的雞。
24
因為伊管轄大河此旁的全地,對提弗薩到迦薩,就是彼個河此旁諸個王,閣佇伊四圍的四方攏享受太平。
25
所羅門活的日,對但到別是巴的猶大人及以色列人攏安然徛起,逐人佇伊的葡萄樹腳及無花果樹腳。
26
所羅門有四萬間套車的馬房,有馬兵一萬二千。
27
許個官員逐個照伊的月份給所羅門王,及見若坐所羅門王的桌的備辦食物,攏無欠一項。
28
各人盡伊的職,為著馬及跑的馬帶大麥及草料到的所在。
29
上帝賞賜所羅門智慧聰明極大,心也開闊,親像海邊的沙。
30
所羅門的智慧過東方的人的智慧及埃及一切的智慧。
31
伊的智慧贏過萬人,贏過以斯拉人以探,及瑪曷的子希幔、甲各、達大。伊的名聲報揚佇四圍列國。
32
伊做箴言三千句,詩歌一千連五首。
33
伊講論草木,對黎巴嫩的柏香樹到牆頂發起來的牛膝草,閣講論走獸、飛鳥、蟲水族。
34
有人對列邦來聽所羅門智慧的話,天下列王聽見所羅門的智慧,也有差人來。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!