帖撒羅尼迦前書 第 1 章 - 台語漢字羅馬本

1

保羅、及西拉，以及提摩太批寄互帖撒羅尼迦人的教會，就是佇父上帝及主耶穌基督的。願恁得著恩典、平安！

2

阮為著恁眾人常常感謝上帝，佇祈禱的中間數念恁，

3

佇上帝咱的父的面前，長長數念恁有信就行做，有仁愛就著磨，有向望咱的主耶穌基督就吞。

4

上帝所疼的兄弟啊，阮知恁的受揀選；

5

因為阮的福音到佇恁，呣是在佇講話若定，是在佇權能在佇聖神，及堅固的信，親像恁知阮佇恁中間，為著恁來成做甚麼等號的人。

6

閣恁已經佇多多苦難，用聖神所賞賜的歡喜，來承受道理，就學阮也學主；

7

致到恁做馬其頓、亞該亞攏總信的人的模樣。

8

因為主的道理對恁傳出。呣若佇馬其頓及亞該亞若定，就是恁向上帝的信已經逐所在報揚；致到阮呣免講甚麼。

9

因為家己報明講阮到恁中間是甚麼款，也恁怎樣有離開偶像，歸佇上帝，來服事活閣真的上帝，

10

也聽候伊的子對天落來，就是伊對死人中互伊復活的耶穌──是彼個拯救咱出將來的受氣者。