帖撒羅尼迦前書 第 4 章 - 台語漢字羅馬本

1

兄弟啊，結尾來講：阮佇主耶穌求恁勸恁，照恁前所曾對阮受，著怎樣行來互上帝歡喜的，恁已經行，今著閣卡出力行。

2

因為恁知阮對主耶穌有甚麼命令互恁。

3

因為上帝的旨意就是恁的成聖，是愛恁離開淫亂；

4

愛恁逐人會曉得用聖潔，及尊貴守家己的身軀，

5

無用私慾的情，親像呣識上帝的外邦人。

6

佇此層事也無過界，侵犯伊的兄弟；因為見若此號事，主是伸冤者，親像阮曾給恁講，來干證的。

7

因為上帝召咱，呣是致到污穢，就是佇成聖。

8

所以拒絕的，呣是拒絕人，是拒絕上帝，就是用伊的聖神互恁的。

9

論疼兄弟，呣免寫批互恁；因為恁家己受著上帝的教示，互恁大家相疼。

10

是恁果然有行伊佇通馬其頓的眾兄弟，總是兄弟啊，阮勸恁著益發按呢。

11

也著對重恬靜，來做家己的事，親手做恁的工，照阮所曾吩咐恁的，

12

互恁向外面人端正來行，也家己無所欠缺。

13

兄弟啊，論到睏的人，阮呣愛恁呣知，免得恁憂悶，親像許個無向望的人一樣。

14

因為咱若信耶穌有死有復活，就屬耶穌來睏的人，上帝也欲按呢導及耶穌相及來。

15

因為阮奉主的命令用此個給恁講：就是主閣來的時，咱諸個猶活的人，會代先許個睏的人。

16

因為主欲本身對天落來，有大喉叫有至大天使的聲，也有上帝的哨角；就許個屬基督已經死的人欲代先起來。

17

後來咱猶活的人欲及受接納佇雲內，入空中迎接主。按呢，咱就永遠及主相及佇。

18

所以，著用諸個話相安慰。