帖撒羅尼迦前書 第 3 章 - 台語漢字羅馬本

1

所以阮已經　住，就定著欲單身住佇雅典，

2

差阮的兄弟提摩太，伊佇基督的福音做上帝的差用，來堅固恁，閣為著恁的信來安慰恁，

3

免得有人互許個患難所搖動。因為恁家己知咱抵著這是本定著。

4

因為阮及恁佇的時，曾代先給恁講，咱會抵著患難，後來果然按呢，是恁所知。

5

所以，我既然閣得，就差人愛知恁的信怎樣，驚了彼個試的有所試恁，就阮的著磨歸佇空空。

6

總是今提摩太對恁遐來到阮遮，將恁的信及疼的好消息報阮知，閣講起恁常常數念阮，欣慕欲見著阮，親像阮愛見著恁一樣。

7

所以兄弟啊，阮佇一切窘迫患難的中間，對恁的信為著恁受安慰。

8

因為恁若徛在佇主，阮就活。

9

阮佇咱的上帝的面前，為著恁真歡喜，阮為著此個一切的歡喜，會用甚麼的感謝為著恁報答上帝啊？

10

阮暝日切切祈禱，愛見著恁的面，來補滿恁的信所無夠。

11

願咱的父上帝，及咱的主耶穌引導阮平坦的路就近恁。

12

也願主互恁相疼，續疼眾人益發充滿，親像阮的疼恁；

13

致到堅固恁的心成聖，無通嫌，佇咱的父上帝的面前，佇咱的主耶穌及伊攏總的聖徒閣來的時。