歷代志下 第 19 章 - 台語漢字羅馬本

1
猶大王約沙法平安倒去耶路撒冷,到伊的厝。
2
先見哈拿尼的子耶戶出來迎接約沙法王,給伊講:「你幫助歹人,疼怨恨耶和華的人合宜嗎?因為按呢耶和華的受氣臨到你。
3
若是你猶有好事佇,因為你對此個地方除去亞斯他錄,閣定著你的心尋上帝。」
4
約沙法踮佇耶路撒冷,後來閣出去巡視百姓的中間,對別是巴到以法蓮山地,導百姓歸向耶和華──列祖的上帝;
5
閣設立審判官佇境內佇猶大堅固的城,逐個城攏按呢,
6
給許個審判官講:「謹慎恁的所做;因為恁審判呣是為著人,是為著耶和華。恁審判的時,伊及恁佇。
7
今恁著驚畏耶和華,謹慎做代誌;因為耶和華──咱的上帝無有不義,無偏袒,無收賄賂。」
8
約沙法對利未人及祭司,及以色列族長中設立人,佇耶路撒冷為耶和華判斷代誌,及相告,伊就倒去耶路撒冷。
9
伊閣命令講:「恁著驚畏耶和華,盡忠誠實心來行此個代誌。
10
見若恁的兄弟踮佇許個城者,若有冤家的事來就近恁,無論甚麼代誌,或是為著流血,抑是佇律法及誡命,抑是律例及法度的中間,恁著警戒,呣通得罪耶和華,致到受氣臨到恁及恁的兄弟;恁按呢做,就無罪。
11
看啊!見若屬耶和華的事,有祭司頭亞瑪利雅管理恁;見若屬王的事,有猶大的族長以實瑪利的子西巴第雅管理恁;佇恁的面前有利未人做官長。恁著好膽做代誌,願耶和華及好人佇。」

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!