歷代志下 第 20 章 - 台語漢字羅馬本

1

此霎了後，摩押人及亞捫人，閣有米烏尼人，相及來欲及約沙法交戰。

2

有人來報約沙法講：「對海外對亞蘭遐有大軍隊來攻擊你，今佇哈洗遜他瑪，就是隱基底。」

3

約沙法就驚，定著意思懇求耶和華，佇猶大全地宣佈禁食。

4

對按呢猶大人聚會，求耶和華幫助。猶大逐個城攏有人出來尋耶和華。

5

約沙法就佇猶大及耶路撒冷的會中，徛佇耶和華殿的新院的頭前，講：

6

「耶和華──阮的列祖的上帝啊，你豈呣是佇天裡的上帝嗎？你豈呣是列邦萬國的主宰嗎？佇你的手有權能有氣力，無一個會抵敵你。

7

阮的上帝啊，你豈呣是曾佇你的百姓以色列人的面前趕逐此個地方徛起的百姓，將伊賞賜你的朋友亞伯拉罕的後裔到永遠嗎？

8

就踮佇此個地方，閣因為你的名佇遮給你起一間聖所，

9

講：『設使有災禍臨到阮，或是刀劍譴責，或是瘟疫飢荒，當患難的時，阮欲徛佇此間的頭前佇你的面前懇求你，因為你的名是踮佇此間殿，你欲聽來拯救。』

10

前以色列人出埃及地的時，你呣准侵犯亞捫人、摩押人，及西珥山人，就離開，無滅。

11

看啊，今怎樣報應阮，來趕逐阮出你的業，就是你賞賜阮互阮承接的。

12

阮的上帝啊，恁無欲責罰嗎？因為阮無力通抵當此個來攻擊阮的大軍隊，阮也呣知著怎樣行，阮的目睭專專向你」。

13

猶大眾人及的細漢囝仔、的某、的子兒攏徛佇耶和華的面前。

14

彼時，耶和華的神佇公會中臨到雅哈悉，伊是利未人亞撒的後裔──瑪探雅的元孫，耶利的曾孫，比拿雅的孫，撒迦利雅的子。

15

伊講：「猶大眾人、耶路撒冷徛起的百姓，及約沙法王你，攏著聽，耶和華對恁按呢講：『莫得因為此個大軍隊來驚來；因為此個交戰呣是在佇恁，就是在佇上帝。

16

明仔日恁著落去接陣，對洗斯山坪上來，恁欲佇耶魯伊勒曠野頭前的山谷口抵著。

17

此擺恁呣免交戰，猶大及耶路撒冷啊，恁著排陣徛，看耶和華拯救恁。呣免驚，呣免。明仔日著出去遐，因為耶和華及恁佇。』」

18

約沙法就俯頭仆佇地裡，猶大眾人及耶路撒冷徛起的百姓也仆佇耶和華的面前，敬拜耶和華。

19

哥轄族及可拉族的利未人攏徛起來，用極大的聲謳咾耶和華以色列的上帝。

20

隔日早早起來，出去提哥亞的曠野。出去的時，約沙法徛講：「猶大人及耶路撒冷徛起的百姓啊，著聽我：恁著信耶和華──恁的上帝就欲徛在；信伊的先知就欲亨通。」

21

伊已經及百姓議論，就設立唱歌謳咾耶和華的，互穿聖閣娞的衫，行佇軍隊的頭前謳咾耶和華講：「著感謝耶和華，因為伊的慈愛永遠佇！」

22

抵仔唱歌謳咾的時，耶和華就派埋伏的兵攻擊許個來攻擊猶大的亞捫、摩押，及西珥山的人，就受拍。

23

因為亞捫及摩押人起來，攻擊踮佇西珥山的人，一盡來滅；一盡滅踮佇西珥的人了後，逐個分旁相剿滅。

24

猶大人到曠野守望的樓，看見許個大軍隊，看啊，身屍倒佇地裡，無一個走離。

25

約沙法及伊的百姓來搶的財物，佇中間尋著多多財物、衣服、寶貝，剝做家己的多到帶去；搶物到三日，因為真多。

26

第四日聚集佇比拉迦的山谷，因為佇遐謳咾耶和華。所以彼所在名叫比拉迦山谷，到佇今仔日。

27

就倒去，就是猶大及耶路撒冷的人，約沙法佇的頭前，大家歡喜倒去耶路撒冷；因為耶和華及贏對敵，來歡喜快樂。

28

彈琴、彈瑟、歕號頭來耶路撒冷，到耶和華的殿。

29

列邦諸個國聽見耶和華贏以色列的對敵，就驚上帝。

30

按呢，約沙法的國太平，因為伊的上帝賞賜伊四圍平安。

31

約沙法做猶大王，坐位的時三十五歲，佇耶路撒冷做王歷過二十五年。伊的老母名叫阿蘇巴，就是示利希的查某子。

32

約沙法行伊的老父亞撒的路，無偏歪，行耶和華所看做好的事。

33

總是山頭壇猶未廢無，閣百姓也未有定著心意歸向列祖的上帝。

34

約沙法其餘的事，對頭到尾攏記佇哈拿尼的子耶戶的冊，彼個冊也列佇以色列列王的冊。

35

彼時了後，猶大王約沙法及以色列王亞哈謝結交；亞哈謝行歹到極。

36

二個王相及造船欲去他施，就佇以旬迦別造船。

37

彼時瑪利沙人、多大瓦的子以利以謝用讖語攻擊約沙法講：「因為你結交亞哈謝，耶和華破壞你的所做。」對按呢船就破，會去他施。