使徒行傳 第 11 章 - 台語漢字羅馬本

1

使徒及佇猶太的兄弟聽外邦人亦受上帝的道理。

2

到彼得上耶路撒冷的時，許個奉割禮的人及伊爭辯講：

3

「你曾入去就近無受割禮的人及相及食。」

4

若是彼得照次序對排列講：

5

「我佇約帕城祈禱，神魂遊佇象外的時，看見異象，有一個器具，親像大幅布，縛四個角頭，對天墜落，到我的面前。

6

我注目看，詳細想伊，看見有地上四腳的精牲，野獸、蟲，及天中的飛鳥。

7

閣聽見有聲給我講：『彼得，起來，來食！』

8

我講：『主啊，斷斷呣通，因為凡若粗俗的物抑是無清氣的攏未曾入我的嘴。』

9

若是聲第二擺，對天應講：『上帝所互伊清氣的，你莫得掠做粗俗。』

10

親像按呢三擺，逐項物就閣收上天。

11

忽然，有三人對該撒利亞差來就近我的，抵抵徛佇阮所的厝外。

12

聖神給我講著及去，莫得分別。閣有此六個兄弟及我去，阮攏入彼人的厝。

13

伊就給阮講，按怎樣曾看見一個天使徛佇伊的厝，對伊講：『著差人到約帕，請西門稱做彼得的來，

14

伊欲用話給你講，你及你全家對諸個話欲得著救。』

15

我抵抵講的時，聖神降臨佇，親像起頭佇咱一樣。

16

我就記得主的話講：『約翰是用水行洗禮，獨獨恁欲佇聖神受洗。』

17

今上帝既然用此個恩賜互，親像佇咱信主耶穌基督的時所互咱的一樣；我是是誰，會阻擋上帝啊？」

18

許個人聽這話，就靜靜，亦歸榮光上帝，講：「按呢生，是上帝亦互外邦人反悔，來得著活命。」

19

為著司提反的事所生起的苦難來四散的人遍行到腓尼基、居比路、安提阿；無對別人講道理，只有對猶太人講若定。

20

若是其中有居比路、古利奈幾若人到安提阿，亦對希利尼人傳主耶穌的福音。

21

主的手及佇，信來歸佇主的，的數額不止多。

22

論到諸個人有消息傳到耶路撒冷互教會聽見，就差巴拿巴，去安提阿。

23

已經到，看見上帝的恩就歡喜，苦勸眾人，用心志，結聯佇主。

24

因為伊是好人，有聖神及信滿滿。對按呢加添多多人歸佇主。

25

伊去大數尋掃羅，

26

已經抵著，就導伊到安提阿。佇教會中聚集一年久，教示多多人。閣學生稱做「基督徒」是對安提阿起。

27

當彼時，有幾若個先知對耶路撒冷落去到安提阿。

28

其中一人，名亞迦布，起來徛，靠聖神來指明普天下欲大飢荒（當克勞丟的年間果然有此個事。）

29

對按呢學生定著意思逐人照伊的力量，寄去供給猶太的兄弟。

30

就照按呢行，對巴拿巴及掃羅經手寄交許個長老。