使徒行傳 第 12 章 - 台語漢字羅馬本

1

將近彼時，希律王下手陷害教會中幾若人，

2

用刀約翰的兄弟雅各。

3

看見猶太人歡喜，就閣掠彼得。彼時就是除酵的日。

4

已經掠，就關伊佇監裡，交互四班的兵顧守，每班四人，意思欲佇過節後帶伊出，辦伊互百姓看。

5

對按呢彼得留佇監裡；獨獨教會替伊切切求上帝。

6

希律欲提伊出彼暝，彼得縛佇二條鐵鍊，睏佇二個兵的中間；閣顧守的人佇門外顧守。

7

忽然，有主的天使徛佇邊頭，房內有光照，搭彼得的脅下，叫伊醒，講：「緊緊起來！」鐵鍊就對伊的手落去。

8

天使給伊講：「著縖帶，穿鞋。」伊照按呢行。閣給伊講：「你的衫，隨我。」

9

就出來隨伊，呣知天使所做的是真，掠做是看見異象。

10

已經經過第一及第二顧守的所在，到透城的鐵門，彼個門為著家己開。就出去，行過一條街，天使連鞭離開伊。

11

彼得醒悟，講：「今我真正知主差伊的天使，救我脫離希律的手及猶太的百姓一盡所向望的。」

12

已經想明此個事，就到約翰稱做馬可的老母馬利亞的厝，佇遐有多多人聚集祈禱。

13

伊拍外門的時，有查某囝仔，名羅大，出來聽，

14

認得彼得的聲，因為歡喜的緣故無開門，走入去給人講：「彼得徛佇門外。」

15

若是對伊講：「你狂啦！」查某囝仔出力講：「真正是！」就講：「是伊的天使！」

16

彼得閣拍門無息。開門，看見伊，真卬愕。

17

伊搖手，教莫做聲，就對講起主怎樣導伊出監；閣講：「著將諸個事給雅各及兄弟講。」就出去，去別所在。

18

到天光，兵丁呣知彼得叨落去，就大擾動。

19

希律尋伊著，就審問顧守的兵，命令拖去。就離開猶太，落去該撒利亞徛起。

20

希律不止受氣推羅、西頓的人。總是許個人同心就近伊，拜託跟隨王的人臣伯拉斯都求和，因為的地方對王的地方得著米糧。

21

希律佇所定著的日期，穿王服，坐佇座位，當面對講。

22

百姓叫講：「這是上帝的聲，呣是人的聲。」

23

希律無歸榮光上帝，主的天使隨時拍伊，就互蟲咬，氣斷。

24

若是上帝的道理愈開闊，興旺。

25

巴拿巴、掃羅賑濟人的事辦明白，就對耶路撒冷倒轉，導約翰稱做馬可的相及去。