使徒行傳 第 15 章 - 台語漢字羅馬本

1

有幾若人對猶太落來，教示兄弟講：「若無遵趁摩西的律例受割禮，就恁得著救。」

2

保羅、巴拿巴已經及大相爭辯論；兄弟就派保羅、巴拿巴及中間另外幾若人，將所辯論的事，上耶路撒冷見使徒及長老。

3

對按呢教會送起身。就經過腓尼基、撒瑪利亞，講起外邦人的歸正，互眾兄弟大歡喜。

4

到耶路撒冷，互教會及使徒長老接納，就講起上帝所及行一切的事。

5

若是有幾若個信徒，屬法利賽黨的，起來講：「的確著給行割禮，命令守摩西的律法。」

6

使徒長老聚集參詳此節事；

7

已經辯論久久，彼得就起來，對講：「列位兄弟啊，恁攏知早上帝佇恁中間揀我，互外邦人對我的嘴聽見福音的道理，來信。

8

閣識人的心的上帝給做干證，用聖神賞賜，親像賞賜咱一樣；

9

無分別及咱，是用信清氣的心。

10

今啥事試上帝，用咱的祖及咱所背的軛下佇學生的頷頸啊？

11

咱是對主耶穌的恩得救，親像一樣，這是咱所信。」

12

眾人攏靜靜，聽巴拿巴、保羅講起上帝用佇外邦人的中間所行諸個神蹟奇事。

13

講息，雅各就應講：「列位兄弟啊，請聽我講。

14

西面已經講起上帝起頭怎樣眷顧外邦人，對中間取百姓來歸佇伊的名；

15

諸個先知的話也及此個事相合。

16

親像所記載講：諸個代誌了後，我欲倒轉來，閣起大衛倒落去的布棚，欲閣起許個破壞的來建立伊，

17

互其餘的百姓，及見若奉我的名的外邦人，攏尋主。

18

諸個話是對世間的起頭顯明諸個代誌的主所講的。

19

「所以我拍算，外邦人歸主的呣通攪擾伊；

20

獨獨寫批，吩咐禁戒偶像的污穢及淫亂，及食勒死的物及血。

21

因為對早以來，佇逐個城有傳摩西的冊，就是逐個安息日，佇會堂所讀的。」

22

彼時，使徒長老及通教會決意對中間揀人，就是稱做巴撒巴的猶大及西拉。此二人就是兄弟中出擢的。差及保羅、巴拿巴同去安提阿。

23

用批交代的手，講：「使徒及諸個老兄弟請安佇安提阿、敘利亞、基利家外邦中諸個兄弟。

24

因為聽見，幾若人對阮中間出去，用話攪擾恁，拍亂恁的心。其實呣是阮所命令的。

25

阮諸個已經同心決意，揀人，差伊及阮所疼的巴拿巴、保羅就近恁。

26

此二人是為著咱的主耶穌基督的名無惜生命的。

27

所以差猶大及西拉，也欲親嘴講起諸個事。

28

因為聖神及阮決意除此幾項要緊的事以外，無用重擔下佇恁的身，

29

就是禁戒祭偶像的物及血，及勒死的物及淫亂。恁若禁戒諸個就會亨通。願恁平安！」

30

奉差，就落去安提阿，已經聚集眾人，就將批交。

31

眾人讀了，歡喜許個安慰的話。

32

猶大、西拉本身也是先知，用多多話安慰兄弟，來堅固。

33

踮遐有許久，兄弟就互平安倒去就近差的。

34

｛獨獨西拉定意仍踮佇遐。〔台語羅馬譯本無此節！〕｝

35

若是保羅、巴拿巴踮佇安提阿，及多多別人相及教示人，傳主福音的道理。

36

過幾若日，保羅對巴拿巴講：「咱著閣去前傳主的道理的逐個城，看兄弟怎樣。」

37

巴拿巴愛欲帶約翰名馬可的相及去；

38

獨獨保羅拍算帶伊去是無合，因為伊佇旁非利亞曾離開，無及去做工。

39

就相激，致到大家分開。巴拿巴帶馬可搭船去居比路；

40

保羅揀西拉相及去，兄弟將伊交託佇主的恩。

41

伊遍行敘利亞、基利家，堅固諸個教會。