使徒行傳 第 16 章 - 台語漢字羅馬本

1

保羅到特庇，閣到路司得。抵當佇遐有一個學生，名提摩太，伊的老母是猶太信的婦仁人，伊的老父是希利尼人。

2

伊互路司得、以哥念諸個兄弟所謳咾。

3

保羅愛此人及伊去，為著許個所在的猶太人，就給伊行割禮，因為攏知伊的老父是希利尼人。

4

經過諸個城的時，將耶路撒冷使徒、長老所定著的命令傳互守。

5

對按呢諸個教會信愈堅固，人額日日加添。

6

經過弗呂家、加拉太的地方，因為聖神曾禁傳道理佇亞西亞。

7

就行到每西亞的邊界，想欲去庇推尼，耶穌的神呣准。

8

就對每西亞經過，落到特羅亞。

9

保羅暝時看見異象。有一個馬其頓人徛求伊講：「請過來馬其頓幫助阮。」

10

保羅已經看見異象，阮諸個連鞭意愛欲去馬其頓，掠做是上帝召阮傳福音互。

11

所以對特羅亞搭船，直直到撒摩特喇，隔日到尼亞坡里。

12

對遐到腓立比，就是馬其頓彼地頭一個城，也是羅馬人分設的城。阮佇此個城幾若日。

13

佇安息日，出城門外，到河邊，拍算佇遐有祈禱的所在，就坐及所聚集的婦仁人談論。

14

有一個賣紫色布的婦仁人，名呂底亞來聽，伊是推雅推喇城的人，平素敬拜上帝。主開伊的心，互伊專向保羅所講的話。

15

伊及伊的家已經受洗禮，就求阮講：「若掠我做真實信主的人，請到我的家住」；就強強留阮。

16

後來，阮去祈禱的所在。有一個女婢抵著阮，伊互卜卦的神上身，平素用卜卦互許個主人大趁錢。

17

伊隨保羅及阮，叫講：「諸個人就是至高上帝的奴僕，用拯救的路傳互恁。」

18

伊多多日按呢行，保羅真厭恨，越轉身給彼個神講：「我託耶穌基督的名，命令你對伊出去！」神即時出去。

19

伊許個主人看見趁錢的向望已經失落，就掠保羅、西拉，拖入街市去見有司官；閣解送到上司官講：

20

「諸個人是猶太人，大攪擾咱的城，

21

傳咱羅馬人所呣應該守呣應該行的規例。」

22

眾人歸群起來攻擊。上司官剝的衫，命令用棍拍；

23

拍真多下，就關落監，吩咐顧監的嚴謹顧守。

24

顧監的受此號命令，就關落內庭監，楗的腳佇柴楗裡。

25

若是半暝，保羅、西拉祈禱，吟詩謳咾上帝，關佇監裡的人也注意聽。

26

忽然，地大動，致到監的地基攏搖動，諸個門也連鞭攏開，眾人的刑具一盡落。

27

顧監的人醒，看見監門開，拍算監囚攏已經逃走，就拔刀欲家己。

28

若是保羅大聲叫講：「莫得家己傷害！阮攏佇遮。」

29

顧監的人叫人抬火來，跳入去，愕愕惙仆佇保羅、西拉的面前；

30

導出來，講：「先生啊，我著怎樣做才會得著救？」

31

應講：「著信主耶穌，你就得著救以及你的家。」

32

就用主的道理講互伊及伊家內攏總的人聽。

33

佇彼暝，彼時，顧監的人導去，洗的傷；伊及全家的人即時攏受洗禮。

34

導上伊的厝，備辦互食。已經信上帝，就及通家大歡喜。

35

到天光，上司官差衙役來，講：「放許個人。」

36

顧監的將諸個話給保羅講：「上司官差人來欲放恁，今通出來，安然去。」

37

若是保羅給許個人講：「阮是羅馬人，未審問，就公刑拍阮，閣關阮落監，今欲暗靜趕阮出嗎？的確做得，著親身來導阮出！」

38

衙役將諸個話回覆上司官。上司官聽見是羅馬人，就驚，

39

才來苦勸，導出，請離開彼個城。

40

出監，入呂底亞的厝，已經見著諸個兄弟，就苦勸，才離開遐。