阿摩司書 第 1 章 - 台語漢字羅馬本

1
提哥亞牧者中阿摩司的話。諸個話就是佇猶大王烏西雅年間,以色列王約轄的子耶羅波安的年間,地動以前二年,所看見關係以色列的事。
2
伊講:耶和華對錫安喉叫,對耶路撒冷出伊的聲;牧者的草場悲哀;迦密的山頂枯焦。
3
耶和華按呢講:為著大馬色犯罪到三擺,亦到四擺,我無欲免伊的刑罰;因為伊用拍五穀的鐵器拍基列。
4
我欲降火佇哈設的家,燒滅便哈達的宮殿。
5
我欲斬斷大馬色的門楗,剪除亞文平洋徛起的百姓及伯伊甸掌權柄者。亞蘭人欲受掠到吉珥。這是耶和華講的。
6
耶和華按呢講:為著迦薩犯罪到三擺亦到四擺,我無欲免伊的刑罰;因為掠歸族的百姓交互以東。
7
我欲降火佇迦薩的城牆,燒滅伊的宮殿。
8
我欲剪除亞實突徛起的百姓及亞實基倫掌權柄者,亦欲越轉手攻擊以革倫。非利士人所剩者,欲攏滅無。這是主耶和華講的。
9
耶和華按呢講:為著推羅犯罪到三擺亦到四擺,我無欲免伊的刑罰;因為將歸族的百姓交互以東,亦無紀念兄弟的盟約。
10
我欲降火佇推羅的城牆,燒滅伊的宮殿。
11
耶和華按呢講:為著以東犯罪到三擺亦到四擺,我無欲免伊的刑罰;因為伊抬刀追伊的兄弟,攏無憐憫,伊的受氣猛烈,發出無息永遠囥受氣。
12
我欲降火佇提幔,燒滅波斯拉的宮殿。
13
耶和華按呢講:為著亞捫族犯罪到三擺亦到四擺,我無欲免伊的刑罰;因為破開基列有娠孕的婦仁人,欲開闊的境界。
14
我欲佇交戰喝喊的日,捲螺風狂風的日,起火佇拉巴的城牆,燒滅伊的宮殿。
15
的王及伊許個首領欲做一下互人掠去。這是耶和華講的。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!