阿摩司書 第 2 章 - 台語漢字羅馬本

1

耶和華按呢講：為著摩押犯罪到三擺亦到四擺，我無欲免伊的刑罰；因為伊將以東王的骨頭燒做灰。

2

我欲降火佇摩押，燒滅加略的宮殿。摩押欲佇嘩嘩哮喝喊歕哨角的中間死無。

3

我欲對伊的中間剪除審判司，續死一切的首領。這是耶和華講的。

4

耶和華按呢講：為著猶大人犯罪到三擺亦到四擺，我無欲免伊的刑罰；因為棄拺耶和華的教示，無遵守伊的律例。的列祖所趁的虛假互行迷路。

5

我欲降火佇猶大，燒滅耶路撒冷的宮殿。

6

耶和華按呢講：為著以色列人犯罪到三擺亦到四擺，我無欲免伊的刑罰；因為賣義人來得著銀，賣喪鄉人來得著一雙鞋。

7

喪鄉人頭殼頂的塵埃，是所意愛，枉屈溫柔的人的理路。父子相及親近一個少年的婦仁人，致到褻瀆我的聖名。

8

佇逐個壇邊，倒佇人做準當的衫，閣佇的上帝的厝內飲受罰的人的酒。

9

我對的面前除滅亞摩利人。許個人高大親像柏香樹，勇親像橡樹。總是我頂面滅伊的果子，下面絕斷伊的根。

10

我也帶恁對埃及地上來，佇曠野導恁四十年，互恁得著亞摩利人的地做業。

11

我對恁的子兒中間興起先知，閣對恁的少年人的中間興起拿細耳。以色列人啊，豈呣是按呢嗎？這是耶和華講的。

12

總是恁互拿細珥飲酒，吩咐先知講：莫得講先知話。

13

看啊，佇恁所踮的地，我欲壓你落去，親像裝滿稻捆的車壓重一樣。

14

走者會逃脫；勇壯者無力尾；勇猛者會家己救生命。

15

抬弓者會徛在；腳步緊者會家己救；騎馬者會家己救命。

16

到彼日，勇士中有膽力者，欲褪赤體逃走。這是耶和華講的。