但以理書 第 1 章 - 台語漢字羅馬本

1

猶大王約雅敬坐位第三年，巴比倫王尼布甲尼撒來到耶路撒冷，圍來攻擊伊。

2

主用猶大王約雅敬，及上帝厝內器具的一份交佇伊的手。伊將帶到示拿的地，入伊的上帝的厝，用許個器具下佇伊的上帝的庫房內。

3

王吩咐太監長亞施毗拿，著對以色列的王親及貴族的中間帶幾若人來，

4

就是少年無瑕疪、面貌娞、有聰明智識、通達逐樣的學問、明白極致、夠額通跟隨佇王宮的，著教示迦勒底人的文學及言語。

5

王就分派將王所食的好物及所飲的酒，每日互一份，培養三年久。然後，互跟隨佇王的面前。

6

中間有猶大族的人：但以理、哈拿尼雅、米沙利、亞撒利雅。

7

太監長給號名：稱但以理做伯提沙撒，稱哈拿尼雅做沙得拉，稱米沙利做米煞，稱亞撒利雅做亞伯尼歌。

8

總是但以理立志無欲用王的好物及伊所飲的酒拍垃墋家己，所以求太監長容允伊免得拍垃墋家己。

9

上帝互但以理佇太監長的面前得著恩惠憐憫。

10

太監長給但以理講：「我驚畏我的主我的王，伊已經分派恁的飲食；豈可通互伊看見恁的面貌卡輸恁同年的少年人啊？若按呢，就互我頭殼得保全佇王的面前。」

11

太監長有派一個監護者管理但以理、哈拿尼雅、米沙利、亞撒利雅，但以理對伊講：

12

「求你試看你諸個奴僕十日久，互阮食菜，飲水，

13

然後你通看阮的面貌及許個食王好物的少年人的面貌，就照你所看見的款待你諸個奴僕！」

14

此個事伊有允准，試十日久。

15

十日後，看見的面貌比許個食王的好物的少年人閣卡娞卡博。

16

對按呢監護就撤去所互的好物所著飲的酒，互食菜。

17

此四個少年人，上帝互佇逐樣的文字學問聰明智識；但以理閣明白逐樣的異象及夢見的兆頭。

18

王所定著導入去的日已經到，太監長就導入去到尼布甲尼撒的面前。

19

王及講話，佇眾人的中間看無一個會比得但以理、哈拿尼雅、米沙利、亞撒利雅，所以得著徛佇王的面前。

20

王見有所問的事，就知的智慧聰明比通國的博士及術士贏過十倍。

21

但以理到古列王元年猶佇。