申命記 第 18 章 - 台語漢字羅馬本

1

「祭司利未人通利未的支派，佇以色列中無份無業；所欲食的就是耶和華的火祭及伊的業。

2

佇兄弟中無產業；耶和華做的產業，照所對講的。

3

祭司對百姓所應該得著的份就是諸個：見若獻牛抑是羊做祭的，著將前腿及二個嘴及肚互祭司。

4

你的五穀、你的酒、你的油，起頭收成的及起頭剪的羊毛，攏著互伊；

5

因為耶和華──你的上帝對你眾支派揀伊，互伊及伊的子孫奉耶和華的名徛，服事伊到永遠。

6

「若有利未人無論寄腳佇以色列中叨落一座城門內，對遐出來，專心意愛到耶和華所欲揀的所在，

7

就伊欲奉耶和華───伊上帝的名服事，親像伊眾兄弟許個徛佇耶和華面前的利未人一樣。

8

佇伊賣祖公的業以外，伊所得著，食的份額著及平。」

9

「你若到耶和華──你上帝所賞賜你的地，你呣通學許個國可惡的事來行。

10

恁中間呣通有人互子、查某子經過火，行邪術的、占卜的、看命的、做師公的、

11

畫符的、做童乩的、行魔術的、牽亡的。

12

因為見若行許個事的，攏是耶和華所厭惡；也是為著諸個可惡的事，耶和華──你的上帝對你的面前趕出。

13

你對佇耶和華──你的上帝著做完全的人。」

14

「因為你所欲承接許個國攏聽趁占卜的、行邪術的，論到你，就耶和華──你的上帝呣准你按呢行。

15

耶和華──你的上帝欲對恁中間對恁的兄弟興起先知，親像我，恁著聽趁伊。

16

照你佇何烈聚會的日對耶和華──你上帝一切所求的，講：『莫得互我閣聽見耶和華──我的上帝的聲，也莫得互我閣看見此個大火，免得我死無。』

17

耶和華就對我講：『所講的是好。

18

我欲佇兄弟中給興起一個先知，親像你。我欲將我的話下佇伊的嘴；伊欲將我一切所命令的對講。

19

伊託我的名來傳我的話，人若呣聽，我欲辦伊。

20

總是先知自專託我的名講我所無命令伊講的話，抑是奉別個上帝的名來講，彼個先知著死。』

21

你的心若想講：『耶和華所無講的話，阮欲豈會知啊？』

22

若有先知託耶和華的名來講的，彼個事若無成，也無應驗，這是耶和華所無講的，是彼個先知自專來講的，你莫得驚伊。」