創世記 第 40 章 - 台語漢字羅馬本

1

諸個代誌以後，埃及王的酒政及廚房得罪的主──埃及王，

2

法老受氣伊二個人臣就是酒政長及廚房長，

3

將關佇侍衛長府內的監，就是約瑟受關的所在。

4

侍衛長將交代約瑟，伊就伺候；就佇監內有許久。

5

受關佇監的埃及王的酒政及廚房二人同一暝各夢見一個夢，攏照逐個夢的意義來夢。

6

到天光，約瑟入去遐，看見有憂悶的款式。

7

伊就問法老二個人臣，就是及伊平平關佇主人府內者，講：「今仔日恁啥事面帶憂容？」

8

給伊講：「阮逐人夢見一個夢，無人通圓。」約瑟給講：「圓夢豈呣是在佇上帝嗎？請恁給我講。」

9

酒政就對約瑟排列伊的夢講：「我夢中看見有一欉葡萄樹佇我的面前，

10

樹頂有三枝，親像有發芽開花，伊的葩結成熟的葡萄。

11

法老的杯佇我的手內，我就提葡萄勒伊佇法老的杯內，將杯捧交法老的手。」

12

約瑟給伊講：「你的夢是按呢圓：三枝就是三日；

13

閣三日，法老欲舉起你的頭，復倒你的官職，法老的酒杯欲猶原下佇你的手，親像前做伊的酒政一樣。

14

你若得志的時，著記念我，施恩互我，佇法老的面前替我講一聲，救我出此個監，

15

我實在是對希伯來人的地受賣來的；我佇遮亦無做出甚麼；互給我關落監。」

16

廚房看見夢圓了好，就給約瑟講：「我亦佇我的夢中看佇我的頭殼頂有三筐的餅；

17

頂面彼筐有貯法老所食逐號的物，有鳥來啄我頭殼頂筐內的物。」

18

約瑟應伊講：「你的夢是按呢圓：三奇筐是三日；

19

閣三日，法老欲舉起你的頭殼離開你，吊你佇柴裡，欲有飛鳥來啄你身軀的肉。」

20

到第三日，是法老的生日，伊為眾人臣排設筵席，佇諸個人臣的中間，抬舉酒政及廚房，

21

互酒政長復倒官職，伊猶原捧杯佇法老的手；

22

總是將廚房頭吊起來，抵抵照約瑟所給圓的。

23

若是酒政長無念著約瑟，竟然記得伊。