創世紀 第 49 章 - 台語漢字羅馬本

台語漢字羅馬本 » 創世紀 » 第 49 章
1
雅各叫伊許個子來，講：「恁攏聚集，我欲將恁日後所會抵著的事給恁講。
2
雅各諸個子，恁著聚集來聽，著聽恁老父的話。
3
流便啊，你是我的大子，我的權勢我的氣力的起頭，威嚴的特色者，權能的特色者。
4
總是你親像水滾，的確得著居頭位；因為你絔上恁老父的眠床，彼時你拍垃墋伊，伊絔上我的舖。
5
西緬、利未是兄弟；的刀劍是兇惡的器具。
6
我的心神啊，你呣通及同計謀；我的神魂啊，你呣通及的會眾聯絡；因為逞起受氣死人，出在意思割斷牛腿的大筋。
7
的受氣躁暴通咒詛；的恨氣殘忍亦是通咒詛。我欲分開佇雅各家，四散佇以色列族。
8
猶大啊，你的兄弟欲謳咾你；你的手欲扼對敵的頷頸；你的老父的子欲仆拜佇你面前。
9
猶大是細隻獅；我的子啊，你對所抓著的物就上去。伊屈落，伊撐腳親像獅，亦親像母的獅，是誰敢惹伊？
10
權柄無離開猶大，治理者無離開伊兩支腳的中間，到細羅來，列邦攏欲歸伊。
11
縛伊的驢仔佇葡萄樹，縛伊的驢仔子佇好的葡萄樹。用葡萄酒洗伊的衣服，用葡萄汁洗伊的衣裳。
12
伊的目睭因為酒來紅；伊的嘴齒因為奶來白。
13
西布倫欲徛起海口，欲做拋船的海口；伊的界欲到西頓。
14
以薩迦是勇的驢，倒佇羊稠的中間。
15
伊看安靜做好，看土地做娞，俯肩頭擔壓，成做勞苦的奴僕。
16
但欲判斷伊的百姓，親像以色列支派的一個。
17
但欲做路裡的蛇，路中的毒蛇，咬傷馬蹄，騎的人向對後面落去。
18
耶和華啊，我有聽候你的拯救。
19
迦得欲互軍隊追迫；總是伊欲追迫的腳後。
20
亞設欲出好的米糧，閣出王所食的好物。
21
拿弗他利是解放的鹿母：出好聽的話。
22
約瑟是結果子的樹枝，伊的樹枝伸出牆外。
23
射箭的人大傷害伊，用箭射伊，窘迫伊。
24
總是伊的弓猶原緊；伊的手也得著有力，這是對雅各的全能者的手，對這就有出牧者，以色列的石磐。
25
亦對你的父的上帝，伊欲幫助你；閣對彼個全能者，伊欲賜福你，欲用天頂降落的福氣，深淵所囥的福氣，以及食奶生產的福氣，攏欲互你。
26
你的老父所祝的福氣贏過我的父公所祝的福氣，直到永世代的山嶺，極頭的邊界；諸個福氣欲降落佇約瑟的頭殼，臨到彼個及兄弟特別者的頭殼頂。
27
便雅憫是擘拆的豺狼，早起時食伊所抓著的，下昏時分伊所搶著的。」
28
這一切是以色列的十二支派；這亦是的老父對所講的話，給所祝福的，攏是照逐人的福份給祝福。
29
伊閣吩咐講：「我欲倒去我的列祖遐，恁著將我埋葬佇赫人以弗崙田裡的穴，及我的父公像所在，
30
就是佇迦南地幔利的面前、麥比拉田裡的穴；彼個穴及田是亞伯拉罕對赫人以弗崙買做業，來做墓地的。
31
佇遐埋葬亞伯拉罕及伊的某撒拉，閣佇遐埋葬以撒及伊的某利百加；我亦佇遐埋葬利亞。
32
彼區田及彼內面的穴是對赫人買的。」
33
雅各吩咐伊許個子明白，腳勼上床，就氣斷，倒去伊的列祖遐。
  • Change Bible

  • 搜尋聖經經文
  • 我的經節
  • 並排閱讀
台語漢字羅馬本聖經，部份字因為電腦編碼關係，需造字，無法正常顯示，您可使用「並排閱讀」功能，可同時顯示台語漢字羅馬本與巴克禮全羅，或點選連結：http://www.sl-pc.org.tw/bible/4_3，不便之處請包涵，上帝祝福您！