創世紀 第 6 章 - 台語漢字羅馬本

1
人佇地上愈卡多,也生查某子的時,
2
上帝的子看見人的查某子媠,就照所愛,娶做某。
3
耶和華講:「人既然屬佇肉體,我的神無欲永遠踮佇;若是的日子欲到一百二十年。」
4
佇彼時有大漢人佇地面上,後來上帝的子及人的查某子同房,就生子;就是對古早英雄有名聲的人。
5
耶和華看見人佇地上,罪惡真大,心內所想的念頭逐日攏是歹,
6
耶和華退悔伊造人佇世間,心內憂悶。
7
耶和華講:「我欲對地上剿滅我所創造的人,將人及走獸,蟲,飛鳥,攏剿滅,因為我造了有退悔。」
8
只有挪亞得著恩典佇耶和華的面前。
9
挪亞的世系記佇下底。挪亞是義人,佇彼世代的中間是完全的人。挪亞及上帝相及行。
10
挪亞生三個子,就是閃、含、雅弗。
11
世界敗壞佇上帝的面前,世界充滿強暴。
12
上帝看世界攏敗壞;因為見有肉體者佇世界的行做攏是敗壞。
13
上帝對挪亞講:「見有肉體者,我看的末期已經到;因為的強暴充滿佇世界,你看,我欲將及地做一下毀滅。
14
你著用松柏柴做大船,船內著隔房間,內外用瀝青油糊伊。
15
大船的造法是按呢:長三百肘,闊五十肘,高三十肘。
16
船著做窗仔,高一肘。門著下佇船邊。船著做三層分上、中、下。
17
你看,我,我欲互大水氾濫佇地上,來毀滅天下;見若有活氣的肉體,見若佇地上者,攏會死。
18
總是我欲及你立我的約;你及你的子,你的某,你的媳婦攏著入大船。
19
見若有活氣的肉體,逐樣一對,一隻公的一隻母的,你著帶入大船,及你相及保全活命。
20
飛鳥各照伊的類,精牲各照伊的類,地上的蟲各照伊的類,逐樣一對,欲到你遐來保全的活命。
21
你著提逐樣的食物積聚,通做你及的食物。」
22
挪亞就按呢行。照上帝攏總所命令的去行。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!