希伯來書 第 1 章 - 台語漢字羅馬本

1

上帝佇在早已經託許個先知用多多段、多多方法給列祖講，

2

今佇許個日的路尾託伊的子給咱講；就是伊所設立做承接萬物的後嗣，亦曾對伊來創造諸個世界。

3

伊是上帝的榮耀所發出的光，是上帝本質的真像，伊用伊權能的話扶載萬物。已經成清潔罪的事，就坐佇極高的天頂大威嚴者的大旁。

4

成做比諸個天使卡大，合佇伊所承接的名，比卡尊貴。

5

因為上帝豈曾對甚麼天使講：你就是我的子，我今仔日生你？閣講：我欲做伊的父，伊欲做我的子？

6

到伊閣導大子入世間的時，就講：上帝諸個天使攏著拜伊。

7

論到天使，就講：互伊的天使做風，伊的差用做火焰；

8

若是論到子就講：上帝啊，你的座位代代佇；你的國權柄是正直的權柄。

9

你愛公義，怨恨不法；所以上帝，你的上帝，用歡喜的油抹你，贏過你諸個同伴；

10

閣講：主啊，起頭的時你下地地基；諸個天亦是你的手所造的。

11

欲滅無，獨獨你久長佇。攏欲親像衣服漸漸舊；

12

你欲將捲起來，親像外衫，親像衣服，就欲變換。獨獨你原在是按呢；你的歲壽無窮盡。

13

上帝曾對叨落一個天使講：坐我的大旁，聽候我下你的對敵做你的腳踏椅？

14

豈呣是攏做差用的神、奉差來服事欲得救的人嗎？