希伯來書 第 12 章 - 台語漢字羅馬本

1

已經有做干證的到許多，親像雲圍咱，就著放下逐號的重擔，及快快纏絆咱的罪，用吞，來走所安排佇咱頭前的路站，

2

著注神看耶穌，就是做信的源頭及成尾者。伊為著所安排佇伊頭前的快樂，就無要緊凌辱，忍受十字架，今坐佇上帝寶座的大旁。

3

伊吞歹人親像按呢橫逆伊，恁著想伊，免得恁的心失志來厭倦。

4

恁及罪惡相對敵，猶未曾抵當到流血。

5

閣恁記得彼個用理氣勸恁親像勸子的話，講：我的子啊，主的警戒莫得看輕，互伊責備莫得失志；

6

因為主所疼的，就警戒伊，閣凡所接納的子，就用鞭拍伊。

7

恁吞，是做警戒的路用，上帝款待恁親像子。豈可有子無互老父警戒啊？

8

眾子所有份的警戒，恁若無受著。就是偷生者，呣是子。

9

閣咱曾有肉體的父警戒咱，咱尚且敬畏伊，何況咱的神的父，豈呣閣卡著降服伊來得著活嗎？

10

因為許個是暫時出在家己的意思來警戒咱；獨獨此個是為著咱的利益，互咱有份佇伊的聖潔。

11

見若警戒的事，佇當時照看呣是歡喜，是憂悶；若是後來就佇許個對警戒來練達的人結平安的果子，就是義的果子。

12

所以，腳酸、手軟的，恁著互伊勇健；

13

為著恁的腳，備辦直直的路，免得跛腳的人歪斜，反轉互伊得著醫好。

14

著致意及眾人和睦，以及成聖；因為若呣是聖無人會見著主。

15

亦著謹慎，驚了有人失落上帝的恩；驚了有苦的根發生來攪擾恁，致到多多人染垃墋；

16

驚了有淫亂的，抑是沈溺世情的，親像以掃，伊因為一頓食賣大子的業。

17

因為恁知伊後來愛承接祝福的時，有抵著棄拺，因為伊尋無反悔的地步，雖然流目屎迫切求，亦得著。

18

今恁所到的呣是會摸得；有火焰的山、及密雲、黑暗、大風、

19

號頭的音、言語的聲。聽見的人，求莫得閣及講；

20

因為所命令的，當住，是講：「就若走獸倚著山，也著用石頭擲死。」

21

閣所看見極其通驚，致到摩西講：「我不止驚到愕愕惙。」

22

獨獨恁所到的就是郇山，真活上帝的城，天頂的耶路撒冷。

23

萬萬的天使，許個有名記佇天裡的大子的聚會及公會，審判眾人的上帝得著齊全的義人的靈魂，

24

新約的中保耶穌，及所灑的血；此個血所講的比亞伯卡好。

25

謹慎，莫得拒絕對恁講的。因為，佇地裡來傳命令的，若拒絕伊，尚且會逃閃，何況咱違背對天傳命令的啊？

26

當時伊的聲互地振動，若是今有應允講：「猶有一擺我呣若互地搖泏，亦欲互天搖泏。」

27

所講猶有一擺，是指明受振動的物，就是受造的物欲抵著遷徙，互許個無受振動的長長佇。

28

所以咱得著會振動的國，著有恩惠，通用虔誠、敬畏來服事，互上帝歡喜。

29

因為咱的上帝就是炎炎的火。