耶利米書 第 14 章 - 台語漢字羅馬本

1

論到亢旱的事，耶和華的話臨到耶利米：

2

猶大悲哀，城門衰敗。人穿黑衫坐佇土腳；耶路撒冷悲哀的聲透到頂面。

3

的世家差囝仔工去汲水；到井裡，尋無水，就帶空的器具倒來，見誚漏氣，罩頭殼。

4

作田人見誚罩頭殼；是因為無落雨，土地　裂。

5

田野的鹿母生子，就放擲，因為無草。

6

野驢徛佇光裸裸高的所在，喘氣親像野狗；因為無草，目睭失明。

7

耶和華啊，阮的罪過雖然做干證告阮，猶久求你為著你的名來做代誌。阮沓沓悖逆，得罪你。

8

以色列所向望者、佇患難中做救主者啊，你啥事佇此所在親像寄腳者，閣親像過路人越來歇過暝啊？

9

你啥事親像卬愕的人，親像會救人的勇士啊？耶和華啊，你猶原佇阮中間；阮亦稱做屬你的名的人，呣通放拺阮。

10

耶和華對此個百姓按呢講：愛放蕩，無約束的腳，所以耶和華呣接納。今欲記得的罪過，辦的罪惡。

11

耶和華閣對我講：「莫得為著此個百姓祈禱求福氣。

12

禁食的時，我呣聽的求叫；獻燒祭及禮物，我亦呣接納；我反轉欲用刀劍、用飢荒、用瘟疫來滅。」

13

我就講：「嗐啊！主耶和華啊，看啊，許個先知對講：『恁看見刀劍，亦抵著飢荒；耶和華欲佇此個地方賞賜恁久長的平安。』」

14

耶和華對我講：「許個先知託我的名傳白賊，我無差，無吩咐，亦無對講；傳互恁的，是虛假的啟示及占卜，及無影的事，以及的心的詭詐。

15

所以耶和華按呢講：論到託我的名來傳報的許個先知，我並無差；猶久講此個地會抵著刀劍飢荒，其實許個先知欲對刀劍飢荒來滅無。

16

閣聽傳報的百姓欲因為飢荒刀劍受擲佇耶路撒冷的街路，及某及子查某子，攏無人埋葬。我欲將的歹傾佇的身上。」

17

你著將此個話給講：願我的目屎日暝流無息，因為我的百姓抵著大毀傷拍到真殄。

18

我若出去田裡，就看見有互刀者；我若入城，就看見有對飢荒來破病者；先知及祭司佇國內四界行，亦攏曉得。

19

你一盡棄拺猶大嗎？你的心厭惡錫安嗎？啥事拍阮，亦無通得著醫好？阮向望平安，亦無有福氣；向望醫治的機會，無拍算抵著驚惶。

20

耶和華啊，阮認家己的罪惡，及阮的列祖的罪過，因為阮得罪你。

21

求你因為你的名的緣故，莫得厭惡阮，莫得凌辱你榮光的寶座。求你追念，莫得背你及阮所立的約。

22

外邦無影跡的神明，有一個會落雨嗎？天會家己落大雨嗎？耶和華──阮的上帝啊，會按呢者豈呣是你嗎？所以阮猶原欲聽候你，因為這攏是你所做的。