耶利米書 第 15 章 - 台語漢字羅馬本

1

耶和華對我講：「雖然有摩西及撒母耳徛佇我的面前替求，我的心亦無眷顧此個百姓。著趕離開我的面前，互出去！

2

若對你講：『阮著出去叨落。』你著給講，耶和華按呢講：該死者，著死；該互刀者，著互刀，該抵著飢荒者，著扺著飢荒；該互人掠者，著互人掠。」

3

耶和華閣講：「我調拴四項來辦，就是刀來、狗來拖、空中的鳥、地上的野獸食來滅；

4

閣欲互流落佇天下萬國中，攏是因為猶大王希西家的子瑪拿西佇耶路撒冷所行的事。」

5

耶路撒冷啊，是誰可憐你啊？是誰為你悲傷啊？是誰越轉身問你平安無？

6

耶和華講：你棄絕我，越轉身退後；因為按呢，我伸手攻擊你，毀壞你。我憐憫你到厭。

7

我佇境內逐個城門口，用簸箕簸，我絕的後嗣。我滅我的百姓，猶原無越轉離開的路。

8

的寡婦加添佇我的面前，比海沙卡多；我互殘害的中晝來，攻擊少年人的老母，互痛苦驚惶忽然到伊的身上。

9

生七個子的婦仁人衰膦氣斷；當頭白日，伊的日頭忽然落；伊漏氣見誚。所剩的百姓，我欲佇的對敵的面前，交互刀劍。這是耶和華講的。

10

我的老母啊，我有災禍！因為你生我做一個及全地相爭辯計較的人。我平素無用銀借人來提利息，人亦無用銀借我來提利息，總是人攏咒詛我。

11

耶和華講：「我真正欲堅固你，互你得著福氣。災禍苦難臨到的時，我真正欲互對敵求你。（

12

鐵就是北方的鐵及銅，人豈會遏折伊嗎？）

13

「因為你的罪惡，我欲佇你的四境內互你的貨財寶物白白互人搶去。

14

我亦欲互對敵帶到你所呣識的地，因為我佇受氣中有發出火，欲給恁燒燎去。」

15

耶和華啊，你知；求你記念我，眷顧我，給我報冤讎佇許個窘迫我的；你寬容的時呣通掠我去，著知我為著你的緣故受凌辱。

16

萬軍的上帝──耶和華啊，我得著你的話就食伊；你的話佇我是做我心內的歡喜快樂，因為我是稱做屬你的名者。

17

我無坐佇宴樂的人的會中，來快樂；我因為你的感動家己靜靜坐，因為你用受氣充滿我。

18

我的痛苦怎樣久長無息？我的傷怎樣醫得、醫好啊？你款待我豈欲親像欺騙的溪，靠住的水啊？

19

所以耶和華按呢講：你若倒轉來，我就欲互你倒轉來，徛佇我的面前；你若對下賤的中間揀寶貴者出來，你就欲做親像我的嘴。的確欲歸向你，總是你呣通歸向。

20

我欲互你對佇此個百姓成做堅固的銅牆；欲攻擊你，總是贏你；因為我及你佇，欲拯救你，牽救你。這是耶和華講的。

21

我欲牽救你脫離歹人的手，救贖你脫離強暴的人的手頭。