耶利米書 第 32 章 - 台語漢字羅馬本

1

猶大王西底家第十年，就是尼布甲尼撒十八年，有耶和華的話臨到耶利米。

2

彼時，巴比倫王的軍隊圍困耶路撒冷，先知耶利米關佇拘留所的院，佇猶大王的厝；

3

因為猶大王西底家已經將伊關禁，講：「你啥事讖語講，耶和華按呢講：『看啊，我欲將此個城交佇巴比倫王的手，伊欲取伊。

4

猶大王西底家的確脫離迦勒底人的手，定著欲交佇巴比倫王的手，亦欲及伊講話，嘴對嘴，伊的目睭亦欲看伊的目睭。

5

西底家欲互伊帶到巴比倫；住佇遐，到我眷顧伊的時。恁雖然及迦勒底人交戰，亦無利益。這是耶和華講的。』」

6

耶利米講：「耶和華的話臨到我講：

7

『看啊，你的叔沙龍的子合拿篾欲來見你，講：我佇亞拿突彼區田，請你買伊；因為贖回的權在佇你，你通買。』」

8

我的叔的子哈拿篾果然照耶和華的話來拘留所的院尋我，對我講：「我佇便雅憫的境內，亞拿突彼區田，請你買；因為承接及贖回的權在佇你。你著買做你的！」我就知這是耶和華的話。

9

我就對我的叔的子哈拿篾買亞拿突彼區田，秤彼個價銀互伊，共十七舍客勒。

10

我佇契面簽名，將契封密，閣請人來做知見，亦用天秤秤銀互伊。

11

我就提照規例所立的買契，就是封密的彼張，及無封的彼張，

12

當我的叔的子哈拿篾及簽名佇契面諸個知見，以及坐佇拘留院內一切猶大人的面前，將買賣的契交互瑪西雅的孫尼利亞的子巴錄。

13

當面前，我吩咐巴錄講：

14

「萬軍的耶和華──以色列的上帝按呢講：著將封密的及無封的此二張契收佇磁器的內面，通留存多多日。

15

因為萬軍的耶和華──以色列的上帝按呢講：將來佇此所在人欲閣買厝宅、田園，及葡萄園。」

16

我將買契交互尼利亞的子巴錄以後，就祈禱耶和華講：

17

「主耶和華啊，你曾用大權能及伸出的手創造天地，在佇你無一項成的事。

18

你施慈愛互千萬人，閣將老父的罪過報應佇伊後裔的身上，至大全能的上帝，萬軍的耶和華是伊的名。

19

你的計劃有大本事，行代誌有大權能，注目看世間人一切的行做，照逐人的所行及的所做的效果，來報應伊。

20

佇埃及地顯出神蹟奇事，直到今仔日佇以色列及別人的中間亦是按呢，互你得著名聲，親像今仔日一樣。

21

用神蹟奇事及大權能的手，及伸出的手骨及大通驚的事，導你的百姓以色列出埃及地。

22

將此個流奶及蜜的地賞賜，就是你對的列祖咒誓欲互的。

23

入來得著伊做業，總是無趁你的話，無行你的律法；你一切命令行的，無行一項，所以你互攏總的災禍到佇。

24

看啊，有高的土堆，已經逼倚此個城欲取伊；城亦因為刀劍、飢荒、瘟疫，交互攻擊伊的迦勒底人的手。你所講的已經成，你亦親目看見。

25

主耶和華啊，你給我講：著為家己用銀買田，閣請人做知見。今此個城已經交佇迦勒底人的手啦。」

26

耶和華的話臨到耶利米講：

27

「看啊，我是耶和華，是見有血氣者的上帝，在佇我豈有一項成的事？

28

所以耶和華按呢講：看啊，我欲將此個城交互迦勒底人的手及巴比倫王尼布甲尼撒的手，伊欲取伊。

29

攻城的迦勒底人欲來放火燒此個城以及厝宅。佇諸個厝頂，人曾向巴力燒香，向別個上帝灌奠，惹我的受氣。

30

以色列人及猶大人對少年以來，專專行我目睭中看做歹的事；以色列人一盡用手所做的惹我的受氣。這是耶和華講的。

31

此個城對起造的日到今仔日，常常惹我的受氣互我懊惱，致到我給伊除去離開我的面前；

32

是因為以色列人及猶大人一切的邪惡，就是及的君王、貴族、祭司、先知，及猶大的眾人，以及耶路撒冷徛起的百姓所行的，惹我的受氣。

33

用尻脊向我，無用面；我雖然教示，是早早起來教示，總是無聽趁，來受教示，

34

竟然用可惡的物下佇用我的名所稱的厝，來拍垃墋伊。

35

佇便欣嫩的山谷起巴力的高台，欲互的子，查某子經過火歸摩洛；行這可惡的事，互猶大陷落罪，這呣是我所命令的，亦呣是我的心所想的。」

36

今論到此個城，是恁所講已經因為刀劍、飢荒、瘟疫交佇巴比倫王的手的，以色列的上帝──耶和華按呢講：

37

「看啊，我佇受氣、懊惱、大受氣的中間，將趕到逐國。後來我欲對遐招集出來，導倒來此所在，互安然徛起。

38

欲做我的百姓，我欲做的上帝。

39

我欲互一心一路，互常常敬畏我，互及的子孫得著福氣，

40

我欲及立永遠的約，就是無越轉離開，是欲賜福互，閣互存心敬畏我，無越轉離開我。

41

我欲歡喜，賜福互，我實在欲盡心盡意栽培佇此個所在。

42

「因為耶和華按呢講：我怎樣互此個一切大的災禍臨到此個百姓，我亦欲按呢互我所應允一切的福氣臨到。

43

恁講：此個所在是拋荒、無人、無精牲，是交互迦勒底人的手的。將來人欲閣佇此所在買田園。

44

佇便雅憫地、佇耶路撒冷的四圍、佇猶大諸個城、佇山地諸個城、佇平洋諸個城，及佇南方諸個城，人欲用銀買田，佇契面簽名，將契封密，請人做知見；因為我欲互受掠的人倒來。這是耶和華講的。」