耶利米書 第 35 章 - 台語漢字羅馬本

1

當猶大王約西亞的子約雅敬坐位的時，耶和華的話臨到耶利米講：

2

「你著去利甲族的厝，及講話，導到耶和華的厝入一間房，用酒互飲。」

3

我就將哈巴洗尼雅的孫雅利米雅的子雅撒尼亞及伊的兄弟，及伊的眾子，以及利甲全族的人，

4

導到耶和華的厝，入上帝的奴僕伊基大利的子哈難眾子的房。彼間房佇貴族的房的隔壁，貴族的房就是佇沙龍的子把門的瑪西雅的房的頂面。

5

我就用碗用杯貯酒滿滿排佇利甲族人的面前，給講：「請恁飲酒。」

6

就講：「阮呣飲酒；因為阮的先祖利甲的子約拿達曾吩咐阮講：『恁及恁的子孫永永呣通飲酒，

7

亦呣通起厝、呣通撒種、呣通栽種葡萄園，呣通有諸個，一世人著住佇布棚，互恁長歲壽佇恁寄腳的地方。』

8

見若阮先祖利甲的子約拿達吩咐阮的話，阮攏聽趁。阮及阮的某，阮的子，阮的查某子，一世人攏無飲酒，

9

亦無起厝來家己徛起，亦無有葡萄園，無有田園，無有種子。

10

獨獨徛起布棚，攏遵趁阮的先祖約拿達，所命令的來行。

11

獨獨巴比倫王尼布甲尼撒上來此個地的時，阮就講：『來啊，咱著上耶路撒冷。』來閃避迦勒底人的兵及亞蘭的兵，因為按呢，阮才徛起耶路撒冷。」

12

耶和華的話臨到耶利米講：

13

「萬軍的耶和華──以色列的上帝按呢講：你著去給猶大人及耶路撒冷徛起的百姓講，耶和華講：恁呣受教示，呣聽趁我的話嗎？

14

利甲的子約拿達所吩咐伊的子孫呣通飲酒的話，攏遵守，到今仔日亦無飲，因為聽趁先祖的命令。總是我有對恁講，早早起來講，若是恁呣聽我。

15

我亦差我的眾奴僕諸個先知就近恁，早早起來差，講：『恁著越頭，逐人離開伊的歹路，改換恁的所做，無趁別號的上帝來服事，恁就通徛起我所賞賜恁及恁列祖的地。』總是恁呣俯耳孔，亦呣聽我。

16

因為利甲的子約拿達的子孫有遵守的先祖所吩咐的命令，獨獨此個百姓無有聽趁我！

17

所以，耶和華──萬軍的上帝、以色列的上帝按呢講：看啊，我欲互我所講攻擊一切的災禍臨到猶大人及耶路撒冷一切徛起的百姓。因為我對講，無有聽趁；我叫，無應。」

18

耶利米對利甲族的人講：「萬軍的耶和華──以色列的上帝，按呢講：因為恁聽趁恁的先祖約拿達的命令，守伊一切的誡命，行伊攏總所命令恁的，

19

所以萬軍的耶和華──以色列的上帝按呢講：利甲的子約拿達的確永遠有人徛佇我的面前。」