耶利米書 第 34 章 - 台語漢字羅馬本

1

巴比倫王尼布甲尼撒導伊攏總的軍兵，及伊所管地上的萬國逐族，來攻擊耶路撒冷以及許個屬伊的城。彼時，耶和華的話臨到耶利米，講：

2

「耶和華──以色列的上帝按呢講，你著去給猶大王西底家講，耶和華按呢講：看啊，我欲將此個城交佇巴比倫王的手，伊欲用火燒伊。

3

你會脫離伊的手，的確受掠，交佇伊的手頭。你的目睭欲看巴比倫王的目睭，伊欲及你嘴對嘴講話，你亦欲到巴比倫。

4

猶大王西底家啊，你猶久著聽耶和華的話。耶和華論到你按呢講：你的確無互刀劍死，你欲平安過世，

5

人欲為你燒芳的物，親像為著你的列祖，就是你以前的先王所燒的一樣。人欲為著你哀傷講：『慘啊！我的主啊。』耶和華講：此個話我已經講伊啦。」

6

對按呢，先知耶利米佇耶路撒冷將這一切的話給猶大王西底家講。

7

彼時，巴比倫王的軍兵攻擊耶路撒冷，閣攻擊猶大所剩的城，就是拉吉及亞西加。因為猶大堅固的城只有剩諸個。

8

耶和華的話閣臨到耶利米。

9

是因為西底家王及耶路撒冷的眾百姓立約，給宣佈解放，就是逐人著解放伊的奴僕女婢，凡若希伯來的男女，互自由，無人通閣用伊的兄弟猶大人做奴僕。

10

有分此個約的貴族及眾百姓，聽見逐人著解放伊的奴僕女婢，互伊自由，無閣用伊做差用。就遵趁來解放；

11

後來就退悔，互所解放自由的奴僕女婢倒來，勉強猶原做奴僕女婢。

12

因為按呢，耶和華的話對耶和華臨到耶利米講：

13

「耶和華──以色列的上帝按呢講：我導恁的列祖對埃及地做奴才的家出來的日，及立約講：

14

『到第七年恁著逐人解放伊的兄弟希伯來人，賣互你者；伊已經服事你六年，你著解放伊離開你來自由。』總是恁的列祖呣聽我，亦無俯耳孔。

15

今恁已經改變，行我所看做正直的事，逐人對厝邊宣佈解放，閣佇用我的名來稱的厝，佇我的面前立約。

16

總是恁又閣退悔，褻瀆我的名，逐人互所解放得著自由的奴僕女婢倒轉，勉強猶原做恁的奴僕女婢。

17

所以耶和華按呢講：恁無聽趁我，逐人對伊的兄弟對伊的厝邊宣傳解放。看啊！我對恁宣傳解放互刀劍、瘟疫、飢荒，閣互恁流落佇天下萬國中。這是耶和華講的。

18

見若背我的約，無趁彼個約的話，就是破開牛仔來經過彼中間的時，佇我的面前所立者，

19

就是猶大的貴族，耶路撒冷的貴族，以及太監、祭司，境內眾百姓，見若對破開的牛仔的中間經過者。

20

我欲將交佇的對敵的手及數想的生命的人的手；的身屍欲互空中的飛鳥及地上的野獸做食物。

21

閣我欲將猶大王西底家及伊的貴族交佇的對敵的手及數想伊的生命的人的手，亦交佇巴比倫王軍兵的手就是離開恁去者。

22

耶和華講：我欲命令互閣來此個城，欲攻擊伊，取伊，用火燒伊。我亦欲互猶大諸個城拋荒，無人徛起。」