耶利米書 第 38 章 - 台語漢字羅馬本

1

瑪坦的子示法提雅、巴施戶珥的子基大利、示利米雅的子猶甲、瑪基雅的子巴示戶珥聽見耶利米對眾人所講的話，講：

2

「耶和華按呢講：見若住佇此個城內者欲對刀劍、對飢荒、對瘟疫來死；獨獨出去歸迦勒底人者會得著活，欲拾著伊的生命來活。

3

耶和華按呢講：此個城決斷欲交佇巴比倫王軍兵的手，伊欲取伊。」

4

對按呢貴族給王講：「求你互此人死；因為伊對城內剩的兵丁及眾百姓講此號的話，互的手軟。此個人呣是求互百姓平安，是互抵著災禍。」

5

西底家王講：「看啊，伊佇恁的手頭，王會干涉恁甚麼代誌。」

6

就掠耶利米，伊佇哈米勒的子瑪基雅的井；彼個井佇拘留所的院內。用索將耶利米墜落去。井內無水，只有土糜，耶利米就陷佇土糜。

7

佇王宮內的太監古實人以伯米勒，聽見將耶利米墜落井（彼時王坐佇便雅憫門口），

8

以伯米勒就出王宮，對王講：

9

「我的主──我的王啊，諸個人款待先知耶利米的攏是歹，有給伊落井；伊會餓死佇遐，因為城內無米糧。」

10

王就吩咐古實人以伯米勒講：「你對遮帶三十人，趁先知耶利米猶未死，救伊出井。」

11

對按呢以伯米勒導諸個人相及去，入王宮，到庫房下，對遐提破布舊衫，用索墜落井，到耶利米遐。

12

古實人以伯米勒給耶利米講：「你用諸個破布及舊衫，墊佇胳下孔，下佇索頂。」耶利米就照按呢行。

13

按呢，就用索拔耶利米出井。耶利米猶原住佇拘留所的院。

14

西底家王差人帶先知耶利米，入耶和華的厝第三個門到伊遐。王就對耶利米講：「我問你一項事，你攏呣通隱密佇我。」

15

耶利米應西底家講：「我若給你講，你豈無欲死我嗎？我若指點你，你無欲聽。」

16

西底家王暗靜對耶利米咒誓講：「彼個創造咱的活命的耶和華是活者，我指伊來咒誓：我的確無你，亦呣將你交互諸個數想你的生命的人的手。」

17

耶利米對西底家講：「耶和華──萬軍的上帝、以色列的上帝按呢講：你若出去投降巴比倫王的貴族，你的生命就會活，此個城不致互火燒，你及你的全家攏會活。

18

你若呣出去投降巴比倫王的貴族，就此個城欲交佇迦勒底人的手。欲用火燒伊，你亦脫離的手。」

19

西底家王對耶利米講：「我驚許個投降迦勒底的猶大人，驚見迦勒底人將我交佇的手，會凌辱我。」

20

耶利米講：「啦。求你聽我對你所講耶和華的話，按呢你就得著利益，你的生命也會活。

21

你若呣肯出去，耶和華指示我的話就是這：

22

看啊，猶大王宮所剩的婦仁人欲帶到巴比倫王的貴族遐。諸個婦仁人欲講：你知己的朋友使唆你，卡贏你；你的腳落落土糜，就越轉身退去。

23

「人欲將你諸個某及你諸個子帶到迦勒底人遐；你亦會脫離的手，欲互巴比倫王的手掠著；你也欲連累此個城受火燒。」

24

西底家對耶利米講：「莫得互人知諸個話，你就死。

25

貴族若聽見我有及你講話，就來尋你，問你講：『你給王講甚麼呣通對我隱密，阮就無互你死。王對你講甚麼亦攏著給阮講。』

26

你就著給講：『我佇王的面前懇求伊莫得互我閣入約拿單的厝來死佇遐。』」

27

後來眾貴族來尋耶利米，問伊，伊就照王所吩咐一切的話來應。就息，無閣及伊講話，因為事情無露出。

28

對按呢耶利米猶原住佇拘留所的院內，直到耶路撒冷受取的日。