耶利米書 第 39 章 - 台語漢字羅馬本

1

猶大王西底家九年十月，巴比倫王尼布甲尼撒導伊攏總的軍兵來圍困耶路撒冷。

2

西底家十一年四月初九日，城就破。

3

耶路撒冷受取的時，巴比倫王的貴族尼甲沙利設、三甲尼波、太監頭撒西金、博士長尼甲沙利設，及巴比倫王其餘一切的貴族攏來坐佇中門。

4

猶大王西底家及一切的戰士看見，就走，透暝對王的園的路，二個城牆中間的門出城，向平洋走去。

5

迦勒底的軍兵追，佇耶利哥的平洋著西底家，掠伊，就帶到哈馬地的利比拉、巴比倫王尼布甲尼撒遐；伊就審判伊。

6

巴比倫王佇利比拉西底家諸個子，互伊親目看見，巴比倫王閣猶大一切尊貴的人，

7

亦閣挖西底家的目睭，用鐵鍊鍊伊，欲帶伊到巴比倫。

8

迦勒底人用火燒王宮及百姓的厝，閣拆毀耶路撒冷的城牆。

9

彼時，侍衛長尼布撒拉旦將城內所剩的百姓及投降歸服伊者，以及其餘所剩的百姓攏掠去巴比倫。

10

侍衛長尼布撒拉旦就將百姓中喪到無半項的人留佇猶大地，當時亦互葡萄園及田。

11

巴比倫王尼布甲尼撒論到耶利米，就吩咐侍衛長尼布撒拉旦講：

12

「將伊交代你，著好款待伊，呣通害伊；伊對你講甚麼，你就照按呢給伊做。」

13

侍衛長尼布撒拉旦，太監頭尼布沙斯班、博士長尼甲沙利設，及巴比倫王諸個官長，

14

差人導耶利米出拘留所的院，交代沙番的孫亞希甘的子基大利，導伊倒去兜。對按呢伊就徛起百姓的中間。

15

耶利米猶關佇拘留所院內的時，耶和華的話臨到伊講：

16

「你著去給古實人以伯米勒講，萬軍的耶和華──以色列的上帝按呢講：看啊，我講降災禍，無降福氣的話的確到此個城，到彼日欲成佇你的面前。

17

耶和華講：到彼日我欲拯救你，你的確不致交付佇你所驚許個人的手。

18

我定著欲拯救你，你不致倒佇刀下，你欲拾著你的生命，因為你倚靠我。這是耶和華講的。」