耶利米書 第 6 章 - 台語漢字羅馬本

1

便雅憫人啊，恁著走出耶路撒冷，佇提哥亞歕哨角，佇伯哈基琳放煙燉；因為有災禍及大的毀滅對北方落來。

2

我欲剿滅錫安的查某囝仔，就是彼個娞閣幼秀者。

3

牧者及伊的羊群欲到伊遐，佇伊的周圍搭布棚，逐個佇伊所佔的地互羊食草。

4

恁著備辦交戰攻擊伊。起來啊，咱著趁中晝的時上去。慘啊！日已經斜西，欲暗的影已經拖長。

5

起來啊，咱著透暝上去，毀壞伊的宮殿。

6

因為萬軍的耶和華按呢講：恁著剉樹木，起土堆攻擊耶路撒冷。這是彼個應該受刑罰的城，中間一盡是暴虐。

7

井怎樣淐出水，此個城亦按呢淐出歹；佇中間常常聽見有強暴毀滅的事，病痛損傷亦常常佇我的面前。

8

耶路撒冷啊，你著受教示，免得我的心及你生疏，免得我互你拋荒，成做無人徛起的地。

9

萬軍的耶和華按呢講：欲一盡掠以色列剩的百姓，親像摘葡萄一樣。你著親像摘葡萄的，手閣轉入樹枝。

10

今我欲對是誰講話做干證，互聽啊？看啊，的耳仔未受割禮，會聽。看啊，耶和華的話掠做見誚，無歡喜伊。

11

因為按呢，我互耶和華的受氣充滿，住。我欲做一下傾佇街路的囝仔及聚會的少年人，連丈夫及伊的某，老人及日子滿足者，攏欲受掠。

12

的厝宅、田園，及某攏欲變做別人的；因為我欲伸手攻擊此所在徛起的百姓。這是耶和華講的。

13

因為對第一細到第一大者攏一味貪心，對先知到祭司攏行奸詐。

14

凊凊彩彩醫治我的百姓的傷，講：平安啦！平安啦！其實無平安。

15

行可惡的事，知見誚嗎？無，攏無見誚，亦紅面。因為按呢，欲跋倒佇跋倒的人的中間；我辦的時，欲顛倒。這是耶和華講的。

16

耶和華按呢講：恁著徛佇路裡看，查問舊的路，彼條好路佇叨落，就著行伊；按呢，恁的心欲得著安息。總是講：阮呣行伊。

17

我給恁設守望者，講：著聽哨角的聲。總是講：阮呣聽。

18

列國啊，因為按呢恁著聽！會眾啊，恁著知中間有甚麼事。

19

地啊，著聽！看啊，我欲互災禍到此個百姓，就是的圖謀的結果；因為呣聽趁我的話，我的律法，亦棄絕。

20

對示巴出的乳香，對遠遠的所在出的菖蒲，帶來互我欲啥代？恁的燒祭無得著接納；恁的禮物，我亦無歡喜。

21

所以耶和華按呢講：看啊，我欲下塞礙的石佇此個百姓的面前。父及子欲做一下跋佇彼頂面；厝邊及朋友亦攏欲滅無。

22

耶和華按呢講：看啊，有一種的百姓對北方來，亦有一個大國興起，對地極來。

23

抬弓及槍，殘忍，無憐憫；的聲親像海嘩嘩哮。錫安的查某囝仔啊，攏騎馬列陣，親像戰士欲攻擊你。

24

阮聽見的風聲，手就軟落去；痛苦擒著阮，痛疼親像生子的婦仁人一樣。

25

恁呣通出去田裡，亦呣通行佇路裡，因為佇遐有對敵的刀劍，四圍有驚惶。

26

我的百姓啊，著縖麻布，翱佇火灰中。著悲傷，親像喪失獨生子，痛心啼哭，因為殘害者欲忽然到佇咱。

27

我設立你佇我的百姓中，做試驗者及衛所，互你知來試驗的行做。

28

攏是大悖逆的人，四界行誹謗。是銅，是鐵，攏是行毀壞者。

29

風櫃燒著，鉛已經鎔佇火內；直直鍛煉，到尾是空空；因為歹者猶未除去。

30

人欲稱做受棄拺的銀，因為耶和華已經棄拺。