耶利米書 第 7 章 - 台語漢字羅馬本

1

有話對耶和華到耶利米講：

2

「你著徛佇耶和華的厝的門，佇遐宣傳此個話講：凡若屬猶大入諸個門，敬拜耶和華者，著聽耶和華的話。

3

萬軍的耶和華──以色列的上帝按呢講：恁著改正所行所做，我就互恁徛起佇此個地方。

4

恁呣通倚靠白賊的話，講：『諸個是耶和華的殿，是耶和華的殿，是耶和華的殿！』

5

「恁若一盡改正所行所做，佇人及厝邊的中間真正有行公平，

6

無歹款待出外人以及孤兒寡婦，佇此個地方無流無罪的人的血，亦無趁別號的上帝來陷害家己，

7

我就互恁徛起佇此個所在，就是我所賞賜恁的列祖的地，對永遠到永遠。

8

「看啊，恁倚靠白賊無利益的話。

9

恁偷提，人，姦淫，濫糝咒誓，向巴力燒香，亦趁恁平素所呣識別號的上帝，

10

閣來徛佇我的面前，佇此間用我的名來稱呼的厝；講：『阮得著救啦！』按呢是欲互恁去行諸個可惡的事嗎？

11

此間用我的名來稱呼的厝恁看做賊巢嗎？耶和華講，看啊，我，我已經看見啦。

12

恁今著去我佇示羅的所在，就是我起頭設做求叫我的名的位，看我因為我的百姓以色列的罪惡怎樣款待彼所在。」

13

耶和華講：「今因為恁行諸個一切的事，我有對恁講，亦是早早起來講，若是恁呣聽；我閣叫恁，若是恁呣應。

14

所以我欲款待恁所倚靠此間、用我的名稱呼的厝，以及我所賞賜恁及恁的列祖的地，親像我早款待示羅一樣。

15

我也欲趕恁離開我的面前，親像我曾趕恁的眾兄弟，以法蓮一切的後裔。」

16

「所以，你莫得為著此個百姓祈禱；莫得為著出聲祈求，亦莫得替求我，因為我無欲聽你。

17

佇猶大諸個城中及耶路撒冷的街路所行的，你無看見嗎？

18

子兒拾柴，老父燃火，婦仁人摶麵做餅，獻互天后，閣對別號的上帝灌奠，欲激我的受氣。」

19

耶和華講：「豈是激我受氣？豈呣是激家己，致到的面見誚嗎？」

20

所以主耶和華按呢講：「看啊，我欲將我的受氣、我的痛恨傾佇此所在，就是傾佇人及精牲，以及田野的樹木及土地的出產，親像火熄。」

21

萬軍的耶和華──以色列的上帝按呢講：「著將恁的燒祭參加佇恁諸個祭，來食肉！

22

因為我導恁的列祖出埃及的日，論到燒祭及諸個祭我未曾對講起，來命令。

23

我獨獨吩咐此一項講：『恁著聽趁我的聲，我就欲做恁的上帝，恁亦欲做我的百姓。閣行我攏總命令恁的路，就通得著福氣。』

24

總是呣聽趁，亦呣俯耳孔，竟然照的計謀及剛硬的歹心，退後無進前。

25

對恁的列祖出埃及的日，到今仔日，我差我的眾奴僕先知到恁遐，閣逐日早早起來差。

26

猶久呣聽我，亦呣俯耳孔，反轉硬的頷頸，行歹比的列祖卡傷重。

27

「你著將諸個一切的話給講，總是無欲聽你；你叫，亦無欲應你。

28

你著對講：這就是呣聽趁耶和華──的上帝的聲、無受教督的國民；誠實無去，對的嘴絕斷。」

29

耶路撒冷啊，著剃你的頭毛擲，佇光裸裸高的所在唱哀傷的歌；因為耶和華棄拺離開伊所受氣的世代。

30

耶和華講：「猶大的百姓行我所看做歹的事，將可惡的物祀佇用我的名稱呼的厝，拍垃墋伊。

31

佇便欣嫩的山谷起陀斐特山頭的壇，通佇火中燒的子、查某子。這呣是我所吩咐的，亦呣是我的心所想的。」

32

耶和華講：「因為日子欲到，此個地方無閣稱做陀斐特及便欣嫩的山谷，是欲稱做人的山谷。因為欲佇陀斐特埋葬死人，到無剩所在；

33

閣此個百姓的身屍欲互空中的飛鳥及地上的野獸做食物，無人趕伊。

34

彼時，佇猶大諸個城及耶路撒冷的街市，我欲互歡喜的聲，快樂的聲，新子婿的聲，新娘的聲，攏總息，因為此個地攏欲變做拋荒。」