耶利米書 第 9 章 - 台語漢字羅馬本

1

願我的頭殼做水泉，我的目睭做目屎的源頭，我通為我的百姓中受的人，日暝啼哭。

2

願我佇曠野有出外人歇暝的所在，我就通棄拺我的百姓來離開；因為攏是行姦淫者，是行詭詐的黨類。

3

捲彎的舌親像弓來講白賊。佇國內加添勢力，呣是為著真實，就是歹了閣歹，也呣識我這是耶和華講的。

4

恁逐人著持防伊的厝邊，攏呣通信靠兄弟；因為兄弟一盡相瞞騙，厝邊攏四界行，誹謗人。

5

逐人欺騙厝邊，呣願講真實；教示的舌講白賊，著磨做歹。

6

你徛起佇詭詐中；因為詭詐，呣肯認識我。這是耶和華講的。

7

所以萬軍的耶和華按呢講：看啊，我欲將鎔化來鍛煉；若無，我因為我的百姓欲怎樣做啊？

8

的舌是害死人的箭，是講詭詐；人人對伊的厝邊嘴講平安，心內數想伊。

9

耶和華講：我豈無因為諸個事來辦嗎？我的心豈無欲對此號的國民來報讎嗎？

10

我欲為著山嶺啼哭悲哀，為著曠野的草場出聲哀哮；因為已經燒燎去，甚至無人經過。人也無聽見精牲的聲，空中的飛鳥及地上的野獸攏走落去。

11

我欲互耶路撒冷變做土堆，做野狗徛起的所在，也欲互猶大諸個城拋荒，無人徛起。

12

是誰是智慧的人，通明白此個啊？耶和華的嘴對是誰講，互伊通傳報啊？此個地啥事滅無，燒毀親像曠野，甚至無人經過啊？

13

耶和華講：「因為有棄拺我所設佇的面前的律法，無聽我的聲，也無行伊；

14

獨獨照的心的剛硬來行，閣趁諸個巴力就是的列祖所教示的。」

15

所以萬軍的耶和華──以色列的上帝按呢講：「看啊，我欲將茵蔯互此個百姓食，閣將苦的水互飲。

16

我也欲四散佇列邦中，就是及的列祖呣識的邦國。也欲互刀劍追，到我一盡剿滅。」

17

萬軍的耶和華按呢講：著致意想，叫許個替人哭的婦仁人來，也差人去尋許個的婦仁人互來，

18

著緊緊來為咱出聲哮，互咱目屎直直流，互咱的目睭皮淐出水。

19

因為聽見哀傷的聲對錫安出，講：咱怎樣衰敗！大大見誚！因為咱離開土地；因為人有拆毀咱的厝宅。

20

恁諸個婦仁人啊，著聽耶和華的話，耳孔著聽受伊的嘴所講的話；著教示恁的查某子啼哭，逐個著教示的厝邊唱哀歌。

21

因為死無，上來咱的窗仔門，入咱的宮殿；對外面剿滅許個囝仔，對街路剿滅許個少年人。

22

你著給講，耶和華按呢講：人的身屍欲親像糞埽佇郊野，閣親像收割的人尻脊後所磕落一把仔的稻仔，無人拾伊。

23

耶和華按呢講：「智慧的人莫得因為伊的智慧來誇口，勇猛的人莫得因為伊的勇猛來誇口，好額的人莫得因為伊的好額來誇口。

24

見若愛誇口者，著因為此個來誇口，就是伊識我，知我是耶和華，行慈愛、公平、公義佇地裡的，因為我掠諸個做歡喜。這是耶和華講的。」

25

耶和華講：「看啊，日子欲到，我欲刑罰一切受割禮者、無受割禮者，

26

就是埃及、猶大、以東、亞捫族、摩押人，及一切徛起曠野剃鬢邊者；因為列國攏無受割禮，以色列人的心亦無受割禮。」