約伯記 第 22 章 - 台語漢字羅馬本

1
提幔人以利法應講:
2
人豈會利益上帝嗎?智慧的人實在是利益家己。
3
你做人公義,豈互全能者歡喜嗎?你所行完全,豈會互伊得利嗎?
4
豈是因為你敬畏伊,來責備你、審判你嗎?
5
你的罪惡豈呣是大嗎?你的罪過實在無窮盡;
6
你無因端提兄弟的當頭,閣褪無通穿的人的衫。
7
厭倦的人,你無用水互飲;枵餓的人,你對收囥食物。
8
有能力的人得著土地;體面的人踮佇彼中間。
9
你互寡婦空手倒去,無父的子的手骨受遏折。
10
所以,活罩四面圍你,驚惶忽然到攪擾你;
11
抑是黑暗互你無通看見,多多水淹密你。
12
上帝豈呣是佇天的高嗎?著看星辰的極頭怎樣許高!
13
你就講:上帝知甚麼?伊豈會看透黑暗來審判嗎?
14
密雲遮蓋伊,互伊看見;伊行佇穹蒼的頂面。
15
你豈愛趁古早的路,就是歹人所行的嗎?
16
是未到時受滅去,的地基互大水流去。
17
對上帝講:著離開阮!閣講:全能者會給阮做甚麼啊?
18
總是伊用好物充滿伊的厝;願歹人的計謀離開我遠遠。
19
義人欲看見來歡喜;無罪的人欲恥笑;
20
講:許個起來攻擊阮的果然受剪除,所剩的攏互火燒去。
21
今你著及上帝親蜜,就會得著平安;按呢福氣欲臨到你。
22
今著承受伊嘴內的教示,將伊的話囥佇你的心。
23
你若歸向全能者,對你的布棚內除去不義,你就得著興起。
24
你著寶貝佇塵埃裡,俄斐的金佇溪河石頭的中間;
25
全能者就欲做你的寶貝,做你的紋銀。
26
你就欲掠全能者做歡喜,面抬高向上帝。
27
你祈禱伊,伊就聽你;你也欲謝你的願。
28
你定著欲做甚麼,彼個代誌的確成;光也欲照你的路。
29
降低的時,你猶原通講:升高;謙卑的人,上帝欲拯救伊。
30
連有罪的人,上帝也欲救伊;因為你的手清氣,伊欲得著救。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!