約拿書 第 1 章 - 台語漢字羅馬本

1
耶和華的話臨到亞米太的子約拿,講:
2
「你起來去尼尼微彼個大城,出聲警戒,因為的罪惡透到我面前。」
3
若是約拿起來,愛走去他施閃避耶和華;落去約帕,抵著一隻船,欲去他施。伊就互伊船稅,搭彼隻船,欲及去他施閃避耶和華。
4
總是耶和華互海起大風,海中風湧真透,致到船欲破。
5
水手真驚,逐人哀求伊的上帝。用船內的貨物落海,因為欲互船卡輕。獨獨約拿已經落船肚底,倒好睏。
6
舵公到伊遐對伊講:「你此個好睏的人啊,啥事按呢?起來,求叫你的上帝,豈採上帝看顧咱,互咱免滅無。」
7
相及講:「來啊,咱來拈鬮,看咱抵著此個災禍是因為甚麼人的緣故。」對按呢拈鬮,就拈著約拿。
8
對伊講:「請你給阮講,咱抵著此個災禍是因為甚麼人的緣故?你做甚麼事業?你對叨落來?你的本所在佇叨落?你屬甚麼族?」
9
伊應講:「我是希伯來人。我敬畏天頂的上帝耶和華──創造大海及乾地者。」
10
許個人就大驚,對伊講:「你所做的是甚麼事啊?」因為許個人知伊閃避耶和華,是伊已經給講啦。
11
給伊講:「阮著怎樣款待你,互海平定?」因為海湧愈起愈大。
12
伊給講:「恁掠我落海,海就平定;因為我知恁抵著此個大風是為著我的緣故。」
13
若是許個人盡力划槳,愛倚近山,總是會,因為海湧愈起愈大。
14
對按呢求叫耶和華講:「耶和華啊,阮切切求你,莫得因為此人的生命互阮死無,莫得用無罪的血歸佇阮;因為耶和華──你是照家己的意思來行。」
15
就掠約拿落海,海的大湧就平定。
16
許個人就大大敬畏耶和華,獻祭互耶和華,閣下願。
17
耶和華備辦大魚吞約拿,約拿佇魚腹肚內三日三暝。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!