
俄巴底亞書 第 1 章 - 台語漢字羅馬本
- 1
- 俄巴底亞所得著的默示。主耶和華論到以東講:阮對耶和華遐聽見消息,也有使者奉差去列國,講:起來啊,咱著起來及伊交戰!
- 2
- 看啊,我互你佇列國中做微細,互人大大看輕。
- 3
- 踮佇石洞內、徛起高的所在的啊,你的心的驕傲騙你,心內講:是誰會給我降落地啊?
- 4
- 你雖然升高親像鷹鳥,作巢佇星的中間,我欲對遐給你降落。這是耶和華講的。
- 5
- 賊若來你遐,抑是強盜暝時來──豈呣是偷到滿意若定──挽葡萄者若來到你遐挽,豈無猶留幾粒仔嗎?你抵著剪除到怎樣啊?
- 6
- 以掃怎樣受搜尋啊?伊所囥的寶物怎樣受查出啊?
- 7
- 及你結約者攏帶你到邊界;及你和好者欺騙你,卡贏你;食你的米糧者設活罩佇你的下面;伊的心攏無智識。
- 8
- 耶和華講:到彼日,我豈無對以東除滅智慧的人?對以掃的山除滅聰明的人?
- 9
- 提幔啊,你的勇士欲驚惶,致到踮以掃的山逐人受死剪除。
- 10
- 因為你暴虐你的兄弟雅各,你欲抵著大大見誚,你亦欲永遠受剪除。
- 11
- 當你徛佇邊頭的日,外人搶伊的財物,異邦人入伊的城門,為耶路撒冷拈鬮,彼日你親像中間的一個。
- 12
- 當你的兄弟的日,就是伊抵著患難的日,你呣應該徛看;猶大人受滅的日,你呣應該為著按呢來歡喜;抵著災難的日,你呣應該講大話。
- 13
- 我的百姓抵著災禍的日,你呣應該入伊的門;抵著災禍的日,你呣應該看受苦;抵著災禍的日,你呣應該摸著的財物;
- 14
- 你呣應該徛佇雙叉路,截中間逃走的人;抵著災難的日,你呣應該將剩的人交付對敵。
- 15
- 因為耶和華辦理萬國的日近啦。照你所行的,也欲按呢行佇你;你所做的欲歸佇你的頭殼。
- 16
- 因為親像恁佇我的聖山曾飲,萬國也欲親像按呢長長飲;亦飲也吞落去,就欲歸佇無。
- 17
- 佇錫安山欲有逃脫的人,亦欲成做聖;雅各家欲得著伊本有的業。
- 18
- 雅各家欲成做火;約瑟家欲成做火焰;以掃的家欲做稻稿;火欲燒來滅伊。以掃的家欲無留一個。因為耶和華有講伊。
- 19
- 南方的人欲得著以掃的山;平洋的人欲得著非利士,亦欲得著以法蓮的田及撒瑪利亞的田;便雅憫人欲得著基列。
- 20
- 以色列軍隊諸個受掠者欲得著屬迦南人的地,直到撒勒法;踮佇西法拉受掠的耶路撒冷人欲得著南方的城。
- 21
- 欲有諸個拯救者上錫安山,來審判以掃的山;國度就歸耶和華。
如需更多版本聖經,請到台灣聖經公會聖經網站瀏覽與查詢 |
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您! |