士師記 第 15 章 - 台語漢字羅馬本

1

閣有許久，到割麥的時，參孫帶一隻山羊仔去尋伊的某，講：「我欲入房尋我的某。」伊的丈人呣准伊入，

2

丈人講：「我按算你實在怨恨伊，因為按呢我將伊互你的陪伴。伊的小妹豈呣是比伊卡娞嗎？請你娶來替伊！」

3

參孫給講：「此擺我傷害非利士人無通責罪我。」

4

參孫就去掠三百隻狐狸，閣帶火把，將狐狸尾二隻二隻縛相粘，將火把縛佇二支尾的中間，

5

火把點，就放狐狸入非利士人猶未收割的五穀，燒伊歸捆的及伊未割的五穀，以及橄欖園攏燒去。

6

非利士人講：「此個事是誰做的啊？」講：「是亭拿人的子婿參孫，因為伊的丈人將伊的某互伊的陪伴。」非利士人就上去，用火燒婦仁人及伊的老父。

7

參孫對非利士人講：「恁既然行按呢，我欲對恁報仇才欲息。」

8

參孫就大大拍死，身屍相　。就落去，踮佇以坦的石頭孔。

9

非利士人上去紮營佇猶大，分散佇利希。

10

猶大人講：「恁啥事上來攻擊阮啊？」講：「阮上來是欲捆縛參孫；伊款待阮怎樣，阮也欲按呢款待伊。」

11

對按呢猶大三千人到以坦的石頭孔，對參孫講：「非利士人管轄咱，你呣知嗎？你啥事做此個事互阮啊？」應講：「怎樣款待我，我也按呢款待。」

12

猶大人給伊講：「阮落來是欲捆縛你，將你交佇非利士人的手。」參孫給講：「恁著對我咒誓，恁本身無欲害我。」

13

對伊講：「無，只有欲捆縛你交佇的手，阮的確無害死你。」就用二條新的索捆縛伊，對石磐帶伊上去。

14

參孫到利希，非利士人抵著就喝。耶和華的神大大臨到伊，伊手裡的索就親像過火燒的麻，所縛伊的索就對伊的手落落去。

15

伊看見驢一支新的嘴骨，就伸手拾伊，用來拍死一千人。

16

參孫講：我用驢的嘴骨拍死人一堆一堆，我用驢的嘴骨拍死一千人。

17

講息，就將手裡的嘴骨擲。彼所在就叫拉末利希。

18

參孫嘴乾到極，就求叫耶和華講：「你既然用你的奴僕的手行即大的拯救，總無我今著嘴乾來死、陷落佇無受割禮的人的手嗎？」

19

上帝就互利希塌窩的所在裂開，有水對遐淐出來。參孫飲了，精神復倒閣活動；對按呢號彼個水泉叫隱哈歌利，彼個水泉到今仔日猶佇利希。

20

當非利士人的時，參孫做以色列的士師二十年。