士師記 第 17 章 - 台語漢字羅馬本

1
以法蓮山地有一個人名叫米迦。
2
他給老母講:「你彼一千一百銀互人提去,你因為按呢咒詛,閣講互我聽。看啊,此個銀佇我遮,是我提去。」伊的老母講:「願耶和華賜福我的子。」
3
伊就將千一銀還伊的老母。伊的老母講:「我已經對我的手用此個銀,為我的子獻互耶和華,通雕刻一身像,鑄一身像。今我猶原閣交你。」
4
米迦將銀還伊的老母,伊的老母用二百銀互鑄造的人,伊就用彼個做雕刻的偶像,鑄的偶像,下伊佇米迦的厝。
5
此個米迦有上帝的厝,閣製造以弗得及家內許個偶像,行設立的禮,分別伊一個子做伊的祭司。
6
彼時以色列中無王,逐人照伊所看做著的來行。
7
猶大伯利恆有一個少年人,屬猶大族的利未人,伊寄腳佇遐。
8
此人離開猶大伯利恆城,欲尋一個通徛起的所在。行路的時,到以法蓮的山地,米迦的厝。
9
米迦問伊講:「你對叨落來?」伊應講:「我是猶大伯利恆的利未人,欲尋一個通徛起的所在。」
10
米迦給伊講:「你來及我住,做我的老父、做我的祭司。我逐年互你十個銀仔,一付衣裳及你的日食。」利未人就入去。
11
利未人甘願及彼人相及住;米迦看此個少年人親像家己的子。
12
米迦給利未人行設立的禮,少年人就做伊的祭司,來住佇伊的厝。
13
米迦講:「今我知耶和華欲好款待我,因為我有一個利未人做祭司。」

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!