士師記 第 5 章 - 台語漢字羅馬本

1
彼日,底波拉及亞比羅菴的子巴拉唱歌,講:
2
因為以色列中做頭的,做頭導,因為百姓甘願犧牲,恁著謳咾耶和華!
3
列王啊,著聽!諸個首領,著俯耳孔!我向耶和華我欲吟詩;我欲唱歌謳咾耶和華──以色列的上帝。
4
耶和華啊,你對西珥出,對以東地行來。彼時地振動,天滴,雲也滴水。
5
諸個山佇耶和華的面前搖泏,就是此個西奈山佇耶和華──以色列上帝的面前搖泏。
6
佇亞拿的子珊迦的時,閣佇雅億的日,大路無人行,行路的人攏是彎小路。
7
以色列中無頭人,攏總無,到我底波拉起來,到我起來佇以色列中做老母。
8
揀新的上帝,交戰就到的城門。彼時,以色列四萬人的中間豈會看見盾牌及槍嗎?
9
我的心意向以色列許個設立律法者,百姓中甘願犧牲者。恁著謳咾耶和華!
10
騎白驢者、坐 花毯仔者、行路者,恁攏著報揚!
11
佇汲水的所在,離開射箭的人的聲遠遠,佇遐人欲講起耶和華公義的所行,就是伊治理以色列公義的所行。彼時耶和華的百姓落去到城門。
12
底波拉啊,醒啊!醒啊!你著醒,著醒,來唱歌。巴拉啊,你著起來,亞比羅菴的子,著掠你所掠的去。
13
彼時所剩的貴族及百姓相及落來;耶和華為我臨到,攻擊勇士。
14
有對以法蓮來的,伊的根本佇亞瑪力;便雅憫參佇你的百姓中跟隨你。有設律法者對瑪吉落來;有抬枴點算百姓的數額者對西布倫落來;
15
以薩迦的首領及底波拉相及來;以薩迦及巴拉一樣。隨伊走落平洋;佇流便的溪邊心有大大斟酌議論。
16
你啥事坐佇羊 的中央聽叫羊群的聲啊?
17
基列徛起佇約但彼旁。但啥事停佇船裡?亞設靜靜坐佇海邊,踮佇港內。
18
西布倫是拼命拼死的百姓;及拿弗他利佇田野高的所在也是按呢。
19
列王來交戰。彼時迦南列王佇米吉多水邊的他納交戰,總是無搶著銀。
20
有對天交戰的,星辰對的軌道來及西西拉交戰。
21
基順河給流去,基順河就是古早的河;我的神啊,你奮勇進前去。
22
馬蹄硞硞哮,是因為緊緊走,就是力者有緊緊走。
23
耶和華的使者講:著咒詛米羅斯,大大咒詛其中徛起的百姓;因為無來幫助耶和華,無來幫助耶和華抵敵勇士。
24
基尼人希百的某雅億,比許個婦仁人卡有福氣,比徛起布棚內的婦仁人卡有福氣。
25
西西拉討水,伊就用奶互伊用寶貝的盤捧牛奶油互伊。
26
雅億伸手抬釘,正手抬做工人的鎚仔,用鎚摃西西拉,釘過伊的頭殼,鑿來透過伊的鬢邊,
27
佇伊的腳的中間西西拉仆落去,扼落去倒,佇伊的腳的中間仆落,扼落去;佇所仆落的所在,扼落去來死。
28
西西拉的老母對窗仔看出去,對窗仔子裡叫講:怎樣伊的車慢慢來?怎樣伊的車輪許延延啊?
29
跟隨伊聰明尊貴的婦女應伊,伊也家己應講:
30
豈無所得著嗎?豈無分所搶的物嗎?逐人分一二個查某囝仔?西西拉就分所搶彩色的衫,所搶 花彩色的衫,二面攏是彩色 花的,通掛佇頷頸做所搶的物。
31
耶和華啊,願你的對敵攏親像按呢滅無!願疼他的人親像日出,光爁爁!以後,地方太平四十年。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!