士師記 第 8 章 - 台語漢字羅馬本

1

以法蓮人對基甸講：「你去及米甸人交戰，無叫阮及你去，啥事按呢款待阮啊？」就及伊大大計較。

2

基甸對講：「我所行的豈會比得恁嗎？以法蓮拾葡萄屑豈無卡贏亞比以謝挽葡萄嗎？

3

上帝已經將米甸的首領俄立、西伊伯交佇恁的手；我所行的豈會比得恁嗎？」伊講諸個話，的受氣就消。

4

基甸及隨伊的三百人到約但過渡，雖然厭倦，猶久追。

5

基甸對疏割人講：「請你將餅供給跟隨我的百姓，因為厭倦；我也米甸二個王西巴及撒慕拿。」

6

疏割許個首領應講：「西巴及撒慕拿的手已經佇你的手，阮才著用餅互你的軍隊啊？」

7

基甸講：「耶和華將西巴及撒慕拿交佇我的手了後，我就欲用曠野的茦及莿仔拍傷恁的肉。」

8

伊對遐上去毗努伊勒，也對按呢講；毗努伊勒人應伊也及疏割人所應的相同。

9

伊對毗努伊勒的人講：「我平安倒來的時，我欲拆此個台。」

10

彼時西巴及撒慕拿，以及跟隨伊的軍隊攏佇加各，約略有一萬五千人，就是東方全軍所剩的；因為已經死十二萬人攏是抬刀的。

11

基甸就對羅巴及約比哈東旁，對徛起布棚者的路上去，拍贏的軍隊，因為的軍隊安然。

12

西巴及撒慕拿逃走；基甸追，掠著米甸二個王西巴及撒慕拿，互全軍驚走。

13

約阿施的子基甸對希列斯的山坪對戰陣倒來，

14

掠疏割一個少年人，問伊，伊就寫疏割許個首領及長老共七十七人互伊。

15

基甸到疏割，對許個人講：「恁前為著西巴及撒慕拿謔俗我講：『西巴及撒慕拿的手已經佇你的手，阮才著用餅互你厭倦的人啊？』今恁來看。」

16

就掠城內的長老，用曠野的莿及莿仔來教督疏割人；

17

閣拆毗努伊勒的台，死彼個城內的人。

18

就問西巴及撒慕拿講：「恁佇他泊山所的人甚麼款？」應講：「親像你，逐人攏有王的子的容貌。」

19

伊講：「是我像母的兄弟，我指耶和華的永活來講，恁前若留的生命，我今就無恁。」

20

就對伊的大子益帖講：「起來。」總是少年人無拔刀，因為伊猶少年，就驚。

21

西巴及撒慕拿講：「你家己起來阮！因為人怎樣，氣力也是按呢。」基甸就起來，死西巴及撒慕拿，取駱駝頷頸的妝飾款式親像月眉。

22

以色列人對基甸講：「你已經救阮脫離米甸人的手，願你及你的子你的孫管理阮。」

23

基甸講：「我無欲管理恁，我的子也無欲管理恁，獨獨耶和華欲做恁的王。」

24

基甸閣對講：「我有一項求恁：請恁逐人將所搶的耳環互我。」（因為對敵是以實瑪利的人，才有此號金的耳環。）

25

講：「阮甘願互你。」就舒一領外衫，逐人將所搶的耳環佇彼頂面。

26

基甸所討的金耳環重一千七百舍客勒的金仔。此個以外閣有月眉的妝飾、耳墜，及紫色的衣服，米甸王所有的，及駱駝頷頸的鍊仔。

27

基甸用此個製造一個以弗得，下佇伊的本城俄弗拉。後來以色列人攏去遐行邪淫拜伊；這是做害基甸及伊全家的羅網。

28

按呢，米甸屈服佇以色列人，會閣抬起頭殼。基甸的日，彼個地方太平四十年。

29

約阿施的子耶路巴力倒去家己的厝徛起。

30

基甸有七十個親生子，因為伊有娶多多個某。

31

佇示劍伊的細姨也給伊生一個子。伊就給伊號名叫亞比米勒。

32

約阿施的子基甸，年老歲多就死，埋葬佇亞比以謝族俄弗拉，佇伊的老父約阿施的墓。

33

基甸死了後，以色列人越轉去行淫，隨諸個巴力用巴力比利土做的上帝。

34

以色列人無記念耶和華──的上帝，就是救脫離四圍的對敵的手的，

35

也無好款待耶路巴力，就是基甸的家照伊所行佇以色列的恩惠。