利未記 第 8 章 - 台語漢字羅馬本

1
耶和華吩咐摩西講:
2
「你著將亞倫及伊的子,以及衣服,抹的油,及贖罪祭的一隻牛、二隻綿羊、一筐無酵餅攏帶來,
3
閣招集會眾到會幕門口。」
4
摩西照耶和華所命令伊的來行;對按呢會眾就聚集佇會幕門口。
5
摩西給會眾講:「這就是耶和華所命令著行的事。」
6
摩西帶亞倫及伊的子來,用水給洗。
7
給伊穿內衫,縖帶,穿外袍,褡以弗得,用奇巧的工所織以弗得的帶給伊縖用按呢來縛伊佇伊的身軀,
8
閣給伊糽補,用烏陵及土明,下佇補內,
9
用帽戴佇伊的頭殼,佇帽頭前的頂面糽金牌,就是聖的冕旒,攏是照耶和華所命令摩西的。
10
摩西用抹的油抹會幕及其中所有的物,分別伊做聖;
11
閣用彼個油灑壇頂七擺,也抹壇及伊一切的器具,及洗盪的盆及伊的座,分別伊做聖;
12
閣用抹的油倒佇亞倫的頭殼頂來抹伊,分別伊做聖。
13
摩西帶亞倫的子來,給穿內衫,縖帶,包頭殼的巾,攏是照耶和華所命令摩西的。
14
伊牽贖罪祭的牛仔來,亞倫及伊的子按手佇贖罪祭牛仔的頭殼,
15
就伊。摩西提血用指頭仔抹佇壇頂四周圍許個角,互壇清氣,將血倒佇壇腳遐分別伊做聖,給伊贖罪;
16
閣提臟腑所有的油及肝裡的網紗,以及二粒腰子及所有的油,摩西攏燒伊佇壇頂;
17
若是牛仔,伊的皮、伊的肉、伊的糞,用火燒佇營外,是照耶和華所命令摩西的。
18
伊牽燒祭的綿羊來;亞倫及伊的子按手佇羊的頭殼,
19
就伊。摩西用血灑佇壇頂的周圍,
20
將羊切一塊一塊,摩西用頭,及肉塊以及油攏燒伊。
21
用水洗臟腑及腿,摩西就將全牲隻羊燒佇壇頂,做芳芳的燒祭,做火祭獻互耶和華,攏是照耶和華所命令摩西的。
22
伊閣牽第二隻綿羊,就是設立聖職的禮的羊;亞倫及伊的子按手佇羊的頭殼,
23
就伊。摩西提淡薄血抹佇亞倫的正旁的耳仔垂,及正手的大哺拇,及正腳的大哺拇,
24
閣帶亞倫的子來,摩西用淡薄血抹佇正旁的耳仔垂及正手的大哺拇,及正腳的大哺拇,摩西閣用血灑佇壇頂的周圍。
25
閣取油及肥的尾,以及臟腑一切的油及肝裡的網紗,二粒腰子及的油,及正腿,
26
閣對耶和華的面前、貯無酵餅的筐提出一塊無酵餅,一塊油餅,一塊薄餅,攏下佇油及正腿頂,
27
將這一切下佇亞倫的手及伊的子的手做搖祭,佇耶和華的面前搖伊。
28
摩西對的手提落來,燒佇壇裡燒祭的頂面,攏是設立聖職的禮做芳芳是做獻互耶和華的火祭。
29
摩西提羊的胸做搖祭,佇耶和華的面前搖伊,是佇設立聖職的禮的羊,摩西所得著的份額,攏是照耶和華所命令摩西的。
30
摩西提抹的油及壇頂的血,灑佇亞倫及伊的衫,以及伊的子及伊的子的衫,互亞倫及伊的衫以及伊的子及伊的子的衫相及做聖。
31
摩西對亞倫及伊的子講:「將肉煮佇會幕的門口,佇遐食伊,也食設立聖職的禮筐仔內的餅,照我所命令的講:『這是亞倫及伊的子著食的。』
32
所剩的肉及餅,恁著用火燒去。
33
恁七日久呣通出會幕的門,到恁受設立的禮的日滿,因為七日久伊欲給恁行設立的禮。
34
親像今仔日所行的,耶和華吩咐著按呢行,為著恁贖罪。
35
七日久恁著暝日踮佇會幕門口,守耶和華所命令的職份,免得恁死,因為我所受的命令是按呢。」
36
亞倫及伊的子就行耶和華託摩西所命令一切的事。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!