民數記 第 32 章 - 台語漢字羅馬本

1

流便的子孫及迦得的子孫的精牲極其多；看見雅謝的地及基列的地是通飼精牲的所在，

2

迦得的子孫及流便的子孫就來見摩西及祭司以利亞撒，以及會眾的首領，給講：

3

「亞大錄、底本、雅謝、寧拉、希實本、以利亞利、示班、尼波、比穩，

4

就是耶和華佇以色列會眾的面前所攻取的地，是通飼精牲的地，你的奴僕也有精牲」；

5

閣講：「阮若得著恩典佇你的面前，求你用此個地互你的奴僕做業，莫得導阮過約但河。」

6

摩西對迦得的子孫及流便的子孫講：「總無恁的兄弟去爭戰，也恁坐佇遮嗎？

7

恁啥事互以色列人餒志，無愛過去入耶和華所賞賜彼個地啊？

8

我前對加低斯巴尼亞差恁的老父去偷看彼個地，也是按呢行。

9

因為上去以實各的山谷，去看彼個地的時，有互以色列人餒志，呣愛入耶和華所賞賜的地。

10

當日，耶和華的受氣發出，就咒誓講：

11

『見若對埃及上來、二十歲以上的人決斷得著看見我對亞伯拉罕、以撒、雅各咒誓應允的地，因為無全心跟隨我。

12

獨獨基尼洗族耶孚尼的子迦勒及嫩的子約書亞通看見，因為專心隨耶和華。』

13

耶和華對以色列人發受氣，互佇曠野漂流四十年，聽候彼代行歹佇耶和華面前的人攏消滅。

14

看啊，恁起來續接恁的老父，加添罪人的數額，互耶和華益發受氣以色列。

15

恁若越倒轉無隨伊，伊欲閣放拺佇曠野，恁就是滅無諸個眾百姓。」

16

倚近摩西，講：「阮欲佇遮為阮的精牲創　，為阮的囝仔起城。

17

總是阮本身欲帶軍器行佇以色列人的頭前，聽候阮導到的地方；獨獨阮的囝仔，因為此個地徛起的百姓的緣故，欲踮佇堅固的城內。

18

阮呣倒去阮厝，聽候以色列人逐個得著伊的業。

19

阮無欲及佇約但河彼旁閣去的地得著業，因為阮的業是在佇約但河東勢此旁。」

20

摩西對講：「恁若欲按呢行，佇耶和華的面前帶軍器出去交戰，

21

恁所有帶軍器的人若佇耶和華的面前過約但河，聽候伊對伊的面前趕出伊的對敵，

22

彼個地已經互耶和華卡贏，然後恁通倒來，佇耶和華及以色列的面前恁就無罪，此個地欲佇耶和華的面前互恁做業。

23

設使恁無按呢行，就是得罪耶和華，著知恁的罪欲追恁。

24

今著給恁的囝仔起城，給恁的羊群創　，照恁的嘴所講的去行。」

25

迦得的子孫及流便的子孫對摩西講：「你的奴僕欲照我的主所吩咐的去行。

26

阮的囝仔、阮的某、阮的羊群、阮的精牲，攏欲留佇基列諸個城。

27

總是你的奴僕，見若帶軍器的，攏欲照我的主所講的話，佇耶和華的面前過去交戰。」

28

摩西就為著吩咐祭司以利亞撒及嫩的子約書亞，及以色列眾支派的族長，

29

摩西對講：「迦得的子孫及流便的子孫，若及恁過約但河，逐人抬家私佇耶和華的面前去交戰，彼個地互恁卡贏，恁就著用基列地互做業。

30

設使呣帶軍器及恁過去，就佇迦南地對恁中間得著業。」

31

迦得的子孫及流便的子孫應講：「耶和華對阮所講的，你的奴僕就按呢行。

32

阮欲帶軍器，佇耶和華的面前過去，入迦南地，獨獨約但河外、阮所得著做業的地猶原歸阮。」

33

摩西就用亞摩利王西宏的國及巴珊王噩的國，彼個地及伊境內諸個城就是四周圍諸個城，攏互迦得的子孫及流便的子孫，以及約瑟的子瑪拿西的半支派。

34

迦得的子孫起底本、亞他錄、亞羅珥、

35

亞他錄朔反、雅謝、約比哈、

36

伯寧拉、伯哈蘭，攏是堅固的城。閣起羊　。

37

流便的子孫起希實本、以利亞利、基列亭、

38

尼波、巴力免（已經換的名），閣起西比瑪，所起諸個城用新的名號伊。

39

瑪拿西的子瑪吉，伊的子孫去基列，佔彼個地，趕出彼所在的亞摩利人。

40

摩西將基列互瑪拿西的子瑪吉，伊就徛佇遐。

41

瑪拿西的子睚珥去佔許個鄉社，就稱伊做哈倭特睚珥。

42

羅巴去佔基納及基納諸個鄉社，就照家己的名稱伊做羅巴。