詩篇 第 52 章 - 台語漢字羅馬本

1
〔以東人多益來報掃羅講:「大衛到亞希米勒的家。」彼時,大衛做此個教示的詩,交互樂官。〕勇猛的人啊,你啥事為著做歹來誇口?上帝的慈愛永遠佇。
2
你的舌圖謀邪惡,親像利的剃頭刀,行奸詐。
3
你愛歹贏過愛好,愛白賊,贏過愛講義理。(細拉)
4
詭譎的舌啊,你愛講一切吞食的話!
5
上帝亦欲毀壞你,到永遠;伊欲掠你,對你的布棚中出來,對活人的地將你拔出來。(細拉)
6
義人欲看見來驚惶,亦欲笑伊,
7
講:看啊,這就是彼號無掠上帝做伊的氣力的人,是倚靠伊的錢財的罪,佇邪惡家己徛在。
8
論到我,我是親像上帝厝內青翠的橄欖樹;我永永遠遠倚靠上帝的慈愛。
9
因為你行這,我欲感謝你,到永遠。我亦欲佇你聖的百姓的面前向望你的名;因為伊的名是好。

台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!