詩篇 第 54 章 - 台語漢字羅馬本

1

〔西弗人來對掃羅講：「大衛豈呣是匿佇阮遐嗎？」彼時，大衛做此個教示的詩，交互樂官。用絲弦的樂器。〕上帝啊，求你用你的名救我，用你的大權能替我伸冤。

2

上帝啊，求你聽我的祈禱，俯耳孔聽我的嘴所講的話。

3

因為，外人起來攻擊我，強惡的人數想我的生命；無敬奉上帝佇的面前。（細拉）

4

上帝是幫助我的，主是扶持我的活命的。

5

伊欲將我的對敵所行的歹報應；求你照你的誠實滅無。

6

我欲將甘心的祭祀獻互你。耶和華啊，我欲感謝謳咾你的名；因為你的名是好。

7

伊救我出一切的患難；我親目看見我的對敵抵著報應。