詩篇 第 81 章 - 台語漢字羅馬本

1
〔亞薩的詩,交互樂官。用迦特的調。〕上帝──是阮的氣力,恁著大聲謳咾伊,著出歡喜的聲謳咾雅各的上帝!
2
著唱詩歌,搖鈴瓏鼓,彈好聽的琴及瑟。
3
著佇初一、十五──阮節期的日歕哨角。
4
因為這是給以色列定著的律例,雅各的上帝的禮儀。
5
伊去攻擊埃及地的時,佇約瑟的中間立此個做干證。佇遐我聽見所曉得的話!
6
上帝講:我互伊的肩頭脫離重擔,互伊的手放落筐仔。
7
你佇患難中求叫,我曾救你;我佇雷隱密的所在應你,我佇米利巴的水邊試你。(細拉)
8
我的百姓啊,你著聽,我欲對你做干證;以色列啊,願你聽趁我。
9
佇你的中間,呣通有別個上帝;外邦的上帝,你亦呣通跪拜。
10
我是耶和華──你的上帝,曾導你對埃及地上來;著大開你的嘴,我就充滿伊。
11
總是,我的百姓呣聽我的聲;以色列全然呣偢睬我。
12
我就出在照的心的固執,互照家己的計謀去行。
13
願我的百姓肯聽我,以色列肯行我的路,
14
我就緊緊制壓的仇讎,越轉我的手攻擊的對敵。
15
怨恨耶和華的人欲來投降伊,總是的時代欲久長佇。
16
伊亦欲用好的麥互食,我用對石磐出的蜜互食飽。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!