詩篇 第 82 章 - 台語漢字羅馬本

1

〔亞薩的詩。〕上帝徛佇上帝的會中，佇諸個上帝的中間審判，

2

恁審判無照公義，循歹人的情面，欲到底時啊？（細拉）

3

恁著給喪鄉人及無父的子伸冤；著給困苦及欠缺的人行公義。

4

著拯救喪鄉及欠缺的人，互脫離歹人的手。

5

呣知，亦無明理，佇黑暗中行來行去；地的根基攏搖動。

6

我曾講：恁是上帝，恁攏是至高者的子。

7

總是，恁會死，及世間人一樣，欲倒落去，親像貴族的一個。

8

上帝啊，求你起來審判世界，因為你欲得著萬國做基業。