西番雅書 第 2 章 - 台語漢字羅馬本

1
呣知見誚的百姓啊,恁應該聚集,著會集!
2
就是命令猶未發出的代先,日子過去親像粗糠,耶和華大受氣未到恁的代先,耶和華受氣的日未到恁的代先,恁應該聚集。
3
見若地上謙遜的人,遵趁耶和華法度者,恁著尋耶和華!著尋公義,著尋謙遜,豈採佇耶和華受氣的日恁通閃匿。
4
因為迦薩欲抵著棄絕;亞實基倫欲荒廢。亞實突佇日中晝的時欲受趕出;以革倫亦欲抵著拔起來。
5
徛起海邊的基利提族有災禍啊!迦南、非利士人的地啊,耶和華的話攻擊恁,講:我欲毀滅你,致到無人徛起。
6
海邊的地欲變做草場,有牧者的草寮,有羊群的 。稠
7
海墘欲互猶大家剩的百姓得著;欲佇遐飼羊群,下昏時欲倒佇亞實基倫諸個厝;因為耶和華──的上帝欲眷顧,互受掠的人倒來。
8
我曾聽見摩押的誹謗及亞捫人的譏刺,就是誹謗我的百姓,家己誇大,攻擊的境界。
9
因為按呢萬軍的耶和華──以色列的上帝講:我既然是活者,摩押欲親像所多瑪,亞捫人欲親像蛾摩拉,莿帕發艷艷、遍地有鹽坑、永遠拋荒。我的百姓所剩者欲搶劫;我國內所留者欲得著的土地做業。
10
抵著此個代誌是因為驕傲,誹謗,家己誇大,來攻擊萬軍的耶和華的百姓。
11
耶和華欲對顯出威嚴,因為伊欲互世上諸個上帝衰弱。列國眾海嶼的百姓逐個佇伊本所在敬拜伊。
12
古實人啊,恁亦欲互我的刀死。
13
伊欲伸手攻擊北方,剿滅亞述,互尼尼微拋荒,乾燥親像曠野。
14
列國的走獸欲歸群倒佇彼中間;鵜鶘及河豬欲歇佇柱枓。佇窗仔內有哮的聲;戶椗攏欲毀壞,柏香柴板已經露出。
15
這是宴樂安然徛起無掛慮的城,心內講:只有我,我以外無別個;今怎樣拋荒到按呢,成做野獸倒的所在!見若對遐過的人攏欲譏刺來搖手。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!