西番雅書 第 3 章 - 台語漢字羅馬本

1

此個悖逆污穢、暴虐的城有災禍啊！

2

伊無聽趁所對伊講的話，無受教示，無倚靠耶和華，無親近伊的上帝。

3

伊的貴族佇彼中間是噤噤哮的獅；伊的審判官是下昏時的豺狼，一點仔物也無留到隔早起。

4

伊的先知是浮漂詭詐的人；伊的祭司是褻瀆聖所，改斜律法。

5

耶和華是公義者，踮佇中間，無行不義，逐早起顯出伊的公平，無隔斷；獨獨不義的人呣知見誚。

6

我已經除滅列國；的城樓毀壞。我互的街路冷靜，致到無人經過；的城毀滅，無人佇，無人徛起。

7

我講：你獨獨著敬畏我，著受教示；才互伊的厝無照我所辦理伊的來受除滅。總是透早起來家己敗壞一切的所行。

8

耶和華講：所以恁著聽候我，到我起來搶提的日；因為我已經定著意思招集列國，會集列邦，將我的受氣──就是我猛烈的受氣攏傾落佇。全地欲互我大受氣的火燒滅。

9

彼時，我欲互萬百姓的言語變做清氣，通求叫耶和華的名，同心一意服事伊。

10

祈禱我者，就是我四散的百姓，欲對古實河外來，獻禮物互我。

11

當彼日，你的確無因為你一切得罪我的事家己見誚；因為佇彼時我欲對你中間除去誇口驕傲的人，你就無閣佇我的聖山自高。

12

我亦欲留困苦喪鄉的百姓佇你的中間；欲倚靠耶和華的名。

13

以色列所剩的百姓欲無行歹，無講白賊，嘴內無詭詐的舌；欲穩食穩睏，無人互驚。

14

錫安的百姓啊，應該著唱歌！以色列啊，著歡喜來叫！耶路撒冷的百姓啊，著滿心歡喜快樂！

15

耶和華已經除去你的罪案，趕出你的對敵。以色列的王──耶和華佇你中間，你免閣驚災禍。

16

當彼日，欲給耶路撒冷講：莫得驚！錫安啊！你的手呣通垂落去！

17

你的上帝──耶和華佇你的中間，就是全能者、拯救者。伊欲為著歡喜你來快樂，伊欲因為疼你來靜靜，閣為著歡喜你來唱歌。

18

因為欣慕節期來憂悶者，我欲聚集，是屬你者、擔當凌辱親像擔重擔。

19

看啊，當彼時，我欲辦許個苦楚你者，欲拯救跛腳者，欲聚集受趕逐者。許個佇全地受凌辱者，我欲互得著謳咾、名聲。

20

彼時，我欲互恁來，彼時我欲聚集恁；因為我互恁受掠的人佇恁的目前倒轉來的時，就欲互恁佇地上萬百姓的中間，得著名聲、謳咾。這是耶和華講的。