歷代志上 第 10 章

1

(THR) Hui-lī-sū lâng kap Í-sek-lia̍t lâng kau-chiàn; Í-sek-lia̍t lâng tī Hui-lī-sū lâng ê bīn-chêng tô-cháu, tī Ki-lī-pho soaⁿ siū thâi-sí.

(BCL) 非利士人及以色列人交戰，以色列人佇非利士人的面前逃走，佇基利波山受死。

2

(THR) Hui-lī-sū lâng jip-kūn Sò-lô kap i hiah ê kiáⁿ; Hui-lī-sū lâng chiū thâi-sí Sò-lô ê kiáⁿ Iok-ná-tan, A-pí-ná-ta̍t, Be̍k-ki-su-a.

(BCL) 非利士人近掃羅及伊許個子，非利士人就死掃羅的子約拿單、亞比拿達、麥基舒亞。

3

(THR) Kau-chiàn ê tīn-sè tùi-tī Sò-lô chin gûi-kip, siā-chìⁿ ê lâng siā-i, khùn-khó͘ kàu-ke̍k.

(BCL) 交戰的陣勢對佇掃羅真危急，射箭的人射伊，困苦到極，

4

(THR) Sò-lô chiū kā hit ê kia̍h i ê chiàn-khì-ê kóng, Lí pu̍ih-chhut lí ê to, kā góa chha̍k--sí, bián-tit hiah ê bô siū kat-lé ê lâng lâi lêng-jio̍k góa; hit ê kia̍h i ê chiàn-khì-ê m̄-ài, in-ūi chin kiaⁿ. Sò-lô chiū kia̍h i ê to, chiong seng-khu àⁿ tī téng-bīn lâi chhìⁿ-sí.

(BCL) 掃羅就給彼個抬伊的戰器者講：「你拔出你的刀，給我鑿死，免得許個無受割禮的人來凌辱我。」彼個抬伊的戰器的呣愛，因為真驚；

5

(THR) Kia̍h i ê chiàn-khì ê lâng khòaⁿ-kìⁿ Sò-lô í-keng sí, iā chhìⁿ tī to--nih lâi sí.

(BCL) 掃羅就抬伊的刀將身軀俯佇頂面來刺死。抬伊的戰器的人看見掃羅已經死，也刺佇刀裡來死。

6

(THR) Án-ni Sò-lô kap i saⁿ ê kiáⁿ sí, chôan-ke chòe chı̍t-ē sí.

(BCL) 按呢，掃羅及伊三個子死，全家做一下死。

7

(THR) Khiā-khí soaⁿ-kok ê Í-sek-lia̍t lâng khòaⁿ-kìⁿ kun-peng tô-cháu, Sò-lô kap i ê kiáⁿ lóng sí, iā pàng-sak in ê siâⁿ tô-cháu. Hui-lī-sū lâng chiū lâi khiā-khí--i.

(BCL) 徛起山谷的以色列人看見軍兵逃走，掃羅及伊的子攏死，也放拺的城逃走，非利士人就來徛起伊。

8

(THR) Keh-jı̍t Hui-lī-sū lâng lâi chhiúⁿ pak hiah ê siū-thâi ê lâng, chhē-tio̍h Sò-lô kap i ê kiáⁿ, sí tī Ki-lī-pho soaⁿ.

(BCL) 隔日，非利士人來搶剝許個受的人，尋著掃羅及伊的子死佇基利波山，

9

(THR) In chiū pak--i, the̍h i ê thâu-khak kap kun-chong, chhe lâng kàu Hui-lī-sū tōe ê sì-kéng, pò siau-sit hō͘ in ê ngó͘-siōng kap in ê peh-sìⁿ.

(BCL) 就剝伊，提伊的頭殼及軍裝，差人到非利士地的四境報消息互的偶像及的百姓，

10

(THR) Ēng i ê kun-chong hē tī in ê siōng-tè ê biō, tiàu i ê thâu-khak tī Tāi-kún ê biō.

(BCL) 用伊的軍裝下佇的上帝的廟，吊伊的頭殼佇大袞的廟。

11

(THR) Ki-lia̍t ê Ngá-pí lâng thiaⁿ-kìⁿ Hui-lī-sū lâng só͘ khóan-thāi Sò-lô it-chhè ê sū.

(BCL) 基列的雅比人聽見非利士人所款待掃羅一切的事，

12

(THR) In ê chèng ióng-sū chiū khí--lâi, chiong Sò-lô ê sin-si kap i hiah ê kiáⁿ ê sin-si tòa kàu Ngá-pí; koh chòng i ê kut-hâi tī Ngá-pí ê siōng-chhiū-kha, kìm-chia̍h chhit-jı̍t.

(BCL) 的眾勇士就起來，將掃羅的身屍及伊許個子的身屍帶到雅比，閣將伊的骨骸佇雅比的橡樹腳，禁食七日。

13

(THR) Án-ni Sò-lô sí, in-ūi i hōan-chōe tī Iâ-hô-hoa, ūi-tio̍h i bô siú Iâ-hô-hoa ê bēng-lēng, koh in-ūi i khì chhē kúi chiūⁿ-sin ê hū-jîn-lâng, lâi mn̄g--i;

(BCL) 按呢，掃羅死。因為伊犯罪佇耶和華，為著伊無守耶和華的命令；閣因為伊去尋鬼上身的婦仁人來問伊，

14

(THR) iā bô mn̄g Iâ-hô-hoa; só͘-í I thâi-sí i, chiong i ê kok kui hō͘ Iâ-se ê kiáⁿ Tāi-pı̍t.

(BCL) 也無問耶和華，所以伊死伊，將伊的國歸互耶西之子大衛。

Bible Color Mark

• 台語漢字羅馬本
• 巴克禮全羅